كيف تختار وظيفتك المستقبلية

السلام عليكم ,

مقدمة :
كثير منا بيسأل هو انا بعد ما أتخرج من الكلية هشتغل أيه ؟
طيب هشتغل فى أى مجال ؟ و هل لازم أشتغل فى مجال دراستى ؟

طيب و ايه أفضل وظيفة تناسبنى ؟ .

و أسئلة كتير و كتير .

الفرق بين job و career :
job : دى بقى وظيفة كده ع السريع , يعنى كل الهدف منها ان الواحد يكسب مال و دى مش بتكون لفترة طويلة
اما career : فهى المهنة المستقبلية اللى هتعيش بيها بقية حياتك , و هى الأهم طبعا

لكل شخص محتار هشتغل ايه ؟ و لا ازاى اختار المهنة اللى تناسبنى ازاى ؟

اتبع الخطوات التالية :

1) قيم نفسك : Assess Yourself
http://careerplanning.about.com/od/selfassessment/a/self_assessment.htm
قبل ماتختار اى وظيفة لازم تقيم نفسك و لازم تدرس نفسك و تعرف مهاراتك و اهتماماتك وهواياتك علشان تقدر تختار الوظيفة الصح اللى تليق بيك .
ممكن برده تدخل اختبارات تقييم النفس , او مايسمى ب الأختبارات الوظيفية
و الصفحة دى فيها مجموعة مواقع بتقدم امتحانات مجانا :
http://careerplanning.about.com/od/careertests/Free_Self_Assessment_Tools_Online.htm

2) اعمل قائمة بالوظائف :Make a List of Occupations to Explore
بعد ماقيمت نفسك , اعمل قائمة ظريفة كده فيها الوظائف اللى نفس تشتغلها , و الوظائف اللى طلعت لك من امتحان تقييم النفس
لكل وظيفة منهم دور ع النت على الوصف ,, المسمى الوظيفى ,, التعليم ,, المتطلبات الأخرى ,, الشكل العام للوظيفة
فرص العمل ,, الربح او الراتب ,, الشركات المشهورة فى المجال ,, يعنى من الأخر دور على معلومات بقدر الأمكان عن الوظيفة .
و تقدر تجيب معلومات عن الوظائف من هنا :
http://careerplanning.about.com/od/occupations/Occupational_Information.htm

4) اعمل مقابلات معلوماتية Informational Interview هاااااااام
http://careerplanning.about.com/cs/occupations/a/info_interviews.htm
و دى يمكن من اهم المراحل فى عملية اخيار الوظيفة . دلوقتى معاك قائمة فيها الوظائف و شوية معلومات عن كل وظيفة و طبعا عارف الشركات اللى ممكن تشتغل فيها
تروح شركة شركة على حسب الوظيفة و تعمل حاجة اسمها مقابلة معلومات , وهى انك بتقعد مع واحد خبير فى الوظيفة دى وتسأله كام سؤال كده علشان الأمور توضح
مثلا تعرف هو شغال أزاى ؟ كم عدد ساعات العمل ؟ ما مادى التطور فى هذا المجال ؟ ايه اللى اقدر اعمله دلوقتى عشان اوصل للوظيفة دى ؟
و ممكن تطلب من الشركة انك تقضى يوم عشان تشوف الحياة ماشية ازاى ؟
و مفيش حد هيرفض طلبك بالعكس الشركة هترحب بيك لما تلاقيك مهتم , وهيساعدوك بقدر الأمكان

5) حاول تقلل القائمة : Continue Narrowing Down your List
http://careerplanning.about.com/od/exploringoccupations/a/occ_quiz.htm
طيب تمام كده , دلوقتى انت عملت مقابلة أخذ معلومات و عرفت كل وظيفة و عدد الساعات والراتب و غيره من المعلومات المهمة
اكيد فى وظائف هتبدأ تستبعدها , فحاول تقلل قائمة الوظائف اللى معاك

6) حدد أهدافك : Set Your Goals
http://careerplanning.about.com/od/careerchoicechan/a/myths_choice.htm
و عن طريق أهدافك دى ممكن تقلل اللستة اكتر وتختار الوظيف المناسبة ليك ,, يعنى انت عاوز ايه
- عاوز وظيفة تكون بسيطة ؟
- عاوز وظيفة على حسب هوايتك ؟
- لازم الوظيفة تكون من أفضل عشر وظائف على مستوى العالم ؟
- لما تكسب فلوس كتير من الوظيفة هتكون سعيد ؟
- مجرد ماهتختار الوظيفة , هتفضل تشتغل فيها للأبد ؟
- عاوز تشتغل فى المجال ده , عشان والدك او حد تعرفه كان شغال فيه ؟
- كل اللى عاوزه تختار وظيفة والسلام ؟ يعنى مش مهم اى حاجة من الكلام اللى فوق ؟
و غيره من الاسباب
بعد كده هتقدر تحدد انت عاوز تشتغل ايه من اللستة اللى معاك .

7 ) بعد كده بقى انت اكيد عرفت الوظيفة المناسبة ليك , اعمل خطة زمنية عشان توصل لهدفك
مثلا هتتعلم فى قد ايه ؟ و ايه الكورسات اللى لازم تاخدها ؟ و ايه الشهادات اللى هتحتاجها ؟
و اعمل خطة وحاول تلتزم بيها بقدر الأمكان .

8 ) اتدرب على الوظيفة اللى اختارتها , عشان تكتسب مهارات اكتر
و هتلاقى كتير من الشركات بترحب بيك , و بكده هتاخد خبرة فى المجال من قبل ماتشتغل

و طبعا قبل كل ده , مفيش أحسن من صلاة الأستخارة

المصادر & مواقع مفيدة فى الموضوع :
http://careerplanning.about.com/cs/choosingacareer/a/cp_process.htm
http://careerplanning.about.com/od/careerchoicechan/a/myths_choice.htm
http://careerplanning.about.com/od/careerchoicechan/tp/Career-Choice.htm\
http://careerplanning.about.com/od/careerchoicechan/u/get_started.htm
http://choosing-careers.suite101.com/article.cfm/how_to_choose_the_right_career

بالتوفيق ان شاء الله للجميع