ماهو ال bad sector ؟ بكل بساطة هو القطاع التالف ,, يععنى جزء من الهارد ديسك لايمكن القراءة او الكتابة عليه نظرا لوجود خللل او عطل معين فيه ————————————————————————————————————————————– طيب هو بيظهر ليه أصلا أو إيه أسبابه ؟؟!!!
انقطاع الكهرباء فجأة أكثر من مرة
تعرض الهارد للصدمات ( مثلا انه يقع منك ع الأرض )
كثرة الكتابة والقراءة على الهارد ديسك , بس ده فى الهاردات القديمة بس
————————————————————————————————————————————– طيب , ازاى اعرف ان عندى bad sector ؟
طبعا اول حاجة , انك ممكن تسمع صوت للهارد وأنت بتعمل نسخ او نقل للملقات عليه (صوت غريب كده زى صوت احتكاك)
أو ممكن متسمعش حاجة و تلاقى الشاشة الزقاء بتاع الويندوز ( شاشة الرعب ) ظهرت و فيه رسالة Erro Writing 2 disk
أو ممكن و أنت مشغل لعبة او ملف فيديو او برنامج تلاقيه وقف عن العمل و ظهرلك Error Reading 2 disk
من الاخر , القطاع التالف بيخليك مش عارف تقرأ او تكتب على الجزأ التالف فى الهارد ديسك و طبعا هنا تظهر فايدة اسطوانة Hiren’s Boot - ادخل على دوس و اكتب الأمر scandisk ,, ممكن تعمل لكل البارتيشنات scandisk /all طبعا هيعمل مسح سريع و اكتشاف للأخطاء ,, اللى يهمنا انه يعمل surface scan و طبعا لو ظهرلك B لونها احمر على السيكتور يبقى كده فى Bad Sector
————————————————————————————————————————————– فى طريقة تانية و من ع الويندوز , افتح الدورس بتاع الويندوز start >> run >> write cmd و اكتب الأمر ده chkdsk
————————————————————————————————————————————– طيب ,, و العمل يابرنس ؟ قالك , الباد سيكتور نوعين logical و physical لو Logical ( وهمى يعنى ) يبقى حلو قوى و هتعرف لما تعمل فورمات - يعنى تعمل فورمات للبارتيشن , و لو كان الباد سيكتور وهمى هيختفى طبعا متنساش تعمل scandisk تانى بعد الفورمات علشان تتأكد ————————————————————————————————————————————– طيب لو physical ,, الحل القديم أنك تفصل الجزأ التالف عن الهارد خالص و كأنه مش موجود عن طريق partition magic ( موجود فى اسطوانة Hiren’s Boot ) بس حاليا مفيش مانع برده انك تسيب عليه البرنامج الشديد hdd regenerator ( موجود فى اسطوانة Hiren’s Boot ) طبعا البرنامج ده بيطول , وبس أثبت كفائته بنسبة عالية , هو هيتصرف معاه براحته
————————————————————————————————————————————– و أخيرا نصائح للحفاظ ع الهارد :
أوعى الهارد يقع منك وأنت شايله فى إيدك :)
ثبت الهارد كويس جداا فى الجهاز و بلاش الهارد يتحرك او يتهز و هو شغال
بفرض انك عاوز تعمل شركة ,, و طبعا عاوز سيرفر ,, فطبعا هتشترى سيرفر و ليكن مثلا ب 100 ألف مواصفات كويسة ,, و طبعا لازم مهندس System Engineer علشان
يتابع السيرفر . و طبعا عاوز تاخد نسخة احتاطى backup من الداتا اللى على السيرفر , فهتشترى سيرفر تانى . و طبعا السيرفر ده بيسحب كهربا كثير جداا ولازم نظام لتبريده , يعنى الفواتير هتبقى جامدة كل شهر سواء استعملت السيرفر ده طول الشهر او مثلا مرتين كل اسبوع ! , فأنت بتدفع بالشهر ده غير راتب المهندس و غيره . و طبعا لو عاوز تعمل upgrade للسيرفر هتبوظ كل اللى بنيته من الأول لانك مش عامل حسابك انه يبقى قابل للتوسيع و إلا كنت جبت سيرفر بمواصفات أعلى من الأول.
طيب , ايه رأيك بقى لو السيرفر ده اصلا موجود ع النت , و مش هتحتاج لمهندس , و لا هتحتاج لسيرفر تانى عشان الـ backups , و لا هتدفع كهربا و لا تبريد و لا مرتب للمهندس و لو عاوز تكبره فى اى وقت , سهل جداا انك توسعه , ده غير انك مش هتدفع غير بس وقت استعمالك للسيرفر , يعنى لما تشغله بس . و أنت مش هتوجع دماغك بقصة الصيانة و التطوير و الحماية , وبكده مفيش تكلفة ابتدائية , كل المطلوب منك انك تستخدم بس . ( هى دى فكرة الـ Cloud Computing )
ماهى الحوسبة السحابية Cloud Computing
بكل بساطة , هى نقل تطبيقاتك و برامجك و حتى نظام التشغيل على الأنترنت , حيث تتم المعالجة و التشغيل على سيرفرات بعيدة ذو مواصفات عالية جداا , و الهدف منها ابعاد مشاكل الصيانة والتطوير و الحماية عن المستخدم وبالتالى يصبح المطلوب من المستخدم فقط هو الأستخدام و تتحول برامج تكنولوجيا المعلومات من منتجات إلى خدمــات .
- السحابة Cloud احدى مخططات الشبكة و التى تعبر عن الانترنت فى علم الشبكات Computer Networking
- كل المطلوب من المستخدم هو ان يستطيع الدخول على الأنترنت سواء كان من الموبايل او من الكمبيوتر او غيره .
عندما تسمع كلمة الحوسبة السحابية Cloud Computing , يجب ان يتبادر إلى ذهنك ثلاث أشياء هامـة :
1) Software As a Service
و هى عملية تحويل منتجات الكمبيوتر من برامج و غيره إلى خدمات على الانترنت , و بالتالى لايحمل المستخدم هم الشراء و الصيانة والتطوير و انما الشئ الوحيد المطلوب منه هو أن يستخدم تلك المنتجات
2) Utility Computing
الدفع مقابل الإنتفاع من الخدمة , مثل الخدمات العامة كالكهرباء و المياة والغاز ,, ولكن هنا لاتدفع إلا عندما تنتفع و هذه ميزة أخرى
3) Virtualization
تتكون البنية التحتيه للحوسبة السحابية Cloud Computing من أنظمة وهمية يمكن الأستفادة منها فى الخدمة , فمثلا يمكنك ان تختار نظام التشغل الخاص بالسيرفر الخاص بك على السحابة , و يمكن ان تختار البرامج الخاصة بك علي النظام نفسه و يمكنك ان تغير النظام فى اى وقت مع بقاء البرامج تعمل على النظام الجديد.
كيف تعمل الحوسبة السحابية Cloud Computing
بكل بساطة , يطلب العميل من مزود الخدمة سيرفر مثلا و يدخل الاعدادت و يختار نظام التشغيل و ليكن مثلا لينكس ثم يحدد المساحة و غيرها من الأعدادت , وبعد ذلك يحصل على سيرفر خاص به فى السحابة , و مثلا بعد فترة احتاج مساحة اكبر , يدخل على حسابه فى السحابة و يزود المساحة و فى ثوان يحصل على مساحة اكبر .
المميزات :
1) امكانية التوسيع والتطوير , فبدلا من ان تشترى سيرفر جديد بمساحة عالية ومواصفات أعلى , كل ماعليك هو ان تدخل و تغير الاعدادت فقط و فى ثوان تحصل على ماتريد .
2) التكلفة , فلن تدفع إلا فى مقابل خدمة . لايوجد نظام دفع شهرى , فقط أدفع مقابل الخدمة .
3) عدم الإعتماد على المكان أو الأداة , فيمكنك ان تدخل على السحابة من أى مكان فى العالم ( فقط تحتاج انترنت ) , و يمكن ان تستخدم اى جهاز يستطيع تصفح الأنترنت سواء أكان كمبيوتر او موبايل أو غيره , تخيل معى الأن يمكنك برمجة الجافا من على موبايلك و رؤية النتائج (فقط ارفع برامج للسحابة و دع الباقى عليها ) .
4) ابعاد المستخدم عن المشاكل التقنية او الصيانة والتطوير الخاصة بالنظام , كل ماعليك هو الأستخدام فقط.
5) الدوام , لان الداتا الخاصة بك تحفظ فى اكثر من مكان على مستوى العالم و بالتالى لاخوف عليها من الضياع .
6) الأستفادة من المواصفات العاليةللجهاز البعيد فى السحابة , فمثلا إذا كنت مهتم بالجرافيك والماكس و تريد عمل ريندر rendering ستحتاج الى وقت كبير جدااا , ولكن مع السحابة فقط ارفع ملفاتك لها سواء على سيرفر واحد او اكثر و بالتالى تستفيد من الامكانيات العالية و بعد عمل ريندر يمكنك ان تحفظ الفيلم مرة اخرى عندك.
العيوب :
1) امكانية الوصول , فمثلا المهندس المسئول عن السيرفر فى السحابة يمكن ان يصل إلى بياناتك ويراها .
2) مكان الداتا , بمعنى انك لاتعرف اين تحفظ معلومات , فمن الممكن ان تكون مثلا فى سيرفر خاص بالسحابة فى إسرائيل مثلا , وبالتالى تدخل المشاكل السياسية هنا , و لكن مع السحابة يمكنك ان تختار اماكن لحفظ الداتا و تحاول الشركات المزودة جاهدة فى هذا المجال , لتجنب هذا العيب.
3) الاعتمادية, ماذا يحدث لو ضاعت الملفات مثلا بسب عطل ما , من يضمن امكانية استعادتها سليمة ؟ !
4) الأمــان , هل يتم تشفير البيانات فى كل محطات التخزين , ام انها تبقى غير مشفرة ؟!
5) الموثوقية , من يضمن لى انه عندما امسح ملفاتى , انها ليست موجودة على السيرفر بعد المسح ؟!!
6) سرعة الأنترنت , و هذه مشكلة تواجها الحوسبة السحابية مع الدول النامية.
مكونات الحوسبة السحابية Cloud Computing
1 ) Applications
وهى البرامج ووالخدمات التى يمكن ان يشغلها العميل فى السحابة , ومع خدمة Software As a Service تم تخفيف عبئ الصيانة والتطوير عن المستخدم.
2) Client
و هو المستخدم , حيث يستخدم جهازه ( سواء كان موبايل او كمبيوتر ) للإستفادة من الخدمة , و من الممكن ان يمتلك نظام تشغيل يدعم السحابة أو يستخدم المتصفح فقط .
3) Infrastructure
و هى البنية التحتية للسحابة ,و التى تقدم كخدمة Instastructure As a Service
الحوسبة السحابية Cloud Computing فى تطور مستمر , فمعظم الشركات تحاول و تطور جاهدة لتقديم خدمة افضل , فمثلا شركة مايكروسوفت أعلنت قريبا أنها ستنقل تطبيقها المشهور , مايكروسوفت أوفيس إلى السحابة (مصدر الخبر).
# فبكل بساطة يمكننا القول بأن الحوسبة السحابية مفيدة جداا فى مجال الـ Business و خصوصا المشاريع الصغيرة Small business .
#يمكن تلخيص الموضوع بأكمله فى الفيديوهات التالية :
مقدمة : كثير منا بيسأل هو انا بعد ما أتخرج من الكلية هشتغل أيه ؟ طيب هشتغل فى أى مجال ؟ و هل لازم أشتغل فى مجال دراستى ؟
طيب و ايه أفضل وظيفة تناسبنى ؟ .
و أسئلة كتير و كتير .
الفرق بين job و career : job : دى بقى وظيفة كده ع السريع , يعنى كل الهدف منها ان الواحد يكسب مال و دى مش بتكون لفترة طويلة اما career : فهى المهنة المستقبلية اللى هتعيش بيها بقية حياتك , و هى الأهم طبعا
لكل شخص محتار هشتغل ايه ؟ و لا ازاى اختار المهنة اللى تناسبنى ازاى ؟
2) اعمل قائمة بالوظائف :Make a List of Occupations to Explore بعد ماقيمت نفسك , اعمل قائمة ظريفة كده فيها الوظائف اللى نفس تشتغلها , و الوظائف اللى طلعت لك من امتحان تقييم النفس لكل وظيفة منهم دور ع النت على الوصف ,, المسمى الوظيفى ,, التعليم ,, المتطلبات الأخرى ,, الشكل العام للوظيفة فرص العمل ,, الربح او الراتب ,, الشركات المشهورة فى المجال ,, يعنى من الأخر دور على معلومات بقدر الأمكان عن الوظيفة . و تقدر تجيب معلومات عن الوظائف من هنا : http://careerplanning.about.com/od/occupations/Occupational_Information.htm
4) اعمل مقابلات معلوماتية Informational Interview هاااااااام http://careerplanning.about.com/cs/occupations/a/info_interviews.htm و دى يمكن من اهم المراحل فى عملية اخيار الوظيفة . دلوقتى معاك قائمة فيها الوظائف و شوية معلومات عن كل وظيفة و طبعا عارف الشركات اللى ممكن تشتغل فيها تروح شركة شركة على حسب الوظيفة و تعمل حاجة اسمها مقابلة معلومات , وهى انك بتقعد مع واحد خبير فى الوظيفة دى وتسأله كام سؤال كده علشان الأمور توضح مثلا تعرف هو شغال أزاى ؟ كم عدد ساعات العمل ؟ ما مادى التطور فى هذا المجال ؟ ايه اللى اقدر اعمله دلوقتى عشان اوصل للوظيفة دى ؟ و ممكن تطلب من الشركة انك تقضى يوم عشان تشوف الحياة ماشية ازاى ؟ و مفيش حد هيرفض طلبك بالعكس الشركة هترحب بيك لما تلاقيك مهتم , وهيساعدوك بقدر الأمكان
5) حاول تقلل القائمة : Continue Narrowing Down your List http://careerplanning.about.com/od/exploringoccupations/a/occ_quiz.htm طيب تمام كده , دلوقتى انت عملت مقابلة أخذ معلومات و عرفت كل وظيفة و عدد الساعات والراتب و غيره من المعلومات المهمة اكيد فى وظائف هتبدأ تستبعدها , فحاول تقلل قائمة الوظائف اللى معاك
6) حدد أهدافك : Set Your Goals http://careerplanning.about.com/od/careerchoicechan/a/myths_choice.htm و عن طريق أهدافك دى ممكن تقلل اللستة اكتر وتختار الوظيف المناسبة ليك ,, يعنى انت عاوز ايه - عاوز وظيفة تكون بسيطة ؟ - عاوز وظيفة على حسب هوايتك ؟ - لازم الوظيفة تكون من أفضل عشر وظائف على مستوى العالم ؟ - لما تكسب فلوس كتير من الوظيفة هتكون سعيد ؟ - مجرد ماهتختار الوظيفة , هتفضل تشتغل فيها للأبد ؟ - عاوز تشتغل فى المجال ده , عشان والدك او حد تعرفه كان شغال فيه ؟ - كل اللى عاوزه تختار وظيفة والسلام ؟ يعنى مش مهم اى حاجة من الكلام اللى فوق ؟ و غيره من الاسباب بعد كده هتقدر تحدد انت عاوز تشتغل ايه من اللستة اللى معاك .
7 ) بعدكده بقى انت اكيد عرفت الوظيفة المناسبة ليك , اعمل خطة زمنية عشان توصل لهدفك مثلا هتتعلم فى قد ايه ؟ و ايه الكورسات اللى لازم تاخدها ؟ و ايه الشهادات اللى هتحتاجها ؟ و اعمل خطة وحاول تلتزم بيها بقدر الأمكان .
8 ) اتدرب على الوظيفة اللى اختارتها , عشان تكتسب مهارات اكتر و هتلاقى كتير من الشركات بترحب بيك , و بكده هتاخد خبرة فى المجال من قبل ماتشتغل
المدونة او البلوج : المدونة هى تعريب لكلمة blog الأنجليزية , التى هى نحت لكلمتى web log اى سجل الشبكة , و المدونة هى احدى تطبيقات شبكة الويب التى تعمل من خلال نظام ادارة المحتوى CMS . و المدونة بكل بساطة عبارة عن مكان يسمح للمستخدم او صاحب المدونة بأن ينشر كتاباته على شبكة الأنترنت و يسمح له ايضا بترتيبها وتنظيمها و التحكم فيها .و قد يسمح صاحب المدونة للزوار بالتعليق على كتاباته .
وتنقسم المدونات إلى عدة أنواع :
مدونات شخصية personal Blogs : هى من اشهر انواع المدونات التى تسمح لصاحبها نشر اخباره و أفكاره و أراءه , أيضا قد يضع بها بعض المواقف التى واجهته فى الحياة و هكذا .
مدونات المعلومات BlogNews : تعتمد فكرتها على نشر الأخبر المتجددة بإستمرار , و لها شعبيتها ايضا حيث يعتبرها البعض كأنها جريدة على الأنترنت .
مدونات الصورPhotoblog : ينشر فيها صاحبها الصور باستمرار سواء الصور الطبيعية او المضحكة او الغرائب و هكذا .
مدونات الفيديو Vlog : ينشر بها صاحبها الفيديوهات التى تعجبه .
و الأن , كيف أحصل على مدونة خاصة بى مجانا ؟ بكل بساطة , يمكنك الحصول على مدونة فى ثوان اما من خدمة blogger او خدمة wordpress و هما الأكثر شهرة , يوجد أيضا مواقع اخرى تقدم نفس الخدمة ولكن ليس بنفس المميزات والشهرة والصيت مثل jeeran .
طريقة الحصول على بلوج من خدمة blogger www.blogger.com
) ظهرت و فيه رسالة Erro Writing 2 disk
