13 يناير, 2010تحميل موسوعة ويكيبيديا
السلام عليكم ,,
من أفضل الحاجات اللى ممكن تحملها من ع النت هى موسوعة ويكيبيديا
و دى هتكون مناسبة لناس كتير مثلا الناس اللى هتفصل النت (لاقدر الله)
و عاوزه يكون عندها ويكيبيديا أوفلين 
موسوعة ويكيبيديا و هى أكبر موسوعة على الانترنت , حيث تحتوى على أكثر من 3 مليون مقال باللغة الانجليزية ,, و أكثر من 118 ألف مقال باللغة العربية.
وببساطة يمكنك تحميل هذه الموسوعة الهائلة , و بأى لغة تحب .
ومن موقع تحميل موسوعة ويكيبيديا الرسمى.
http://download.wikipedia.org/
تحميل موسوعة ويكيبيديا باللغة الإنجليزية (14 جيجا)
http://static.wikipedia.org/downloads/2008-06/en/
تحميل موسوعة ويكيبيديا باللغة العربية (175 ميجا)
http://static.wikipedia.org/downloads/2008-06/ar/
تحميل سعيد
سلام عليكم.
9 يناير, 2010الفرق بين الانسان العبقرى و الانسان العادى
السلام عليكم ,,
فى نهاية حلقة “أينشتين و النسبية” من حلقات برنامج العلم و الإيمان ,
يوضح الدكتور مصطفى محمود “الفرق بين العبقرى و أى شخص عادى”
توضيح أكثر من رائع ,, ربنا يرحمه يارب
سلام عليكم
4 يناير, 2010افتتاح برج دبى , أعلى برج فى العالم
السلام عليكم ,
انهارده 4 يناير 2010 , افتتاح برج دبى
و اللى مسمعش عن برج دبى , فهو بكل بساطة أعلى برج فى العالم
ارتفاعه أعلى من 800 متر !!!
و الأظرف من كده النافورة اللى بجوار البرج , و الحركات اللى فيها ( اللى بجد تحفة !!! )
الظريف بقى , أن الكويت قررت تبنى برج أعلى من برج دبى ( ارتفاعه 1001 متر تقريبا ) , و اسمه برج مبارك الكبير
و هيتم انشائه خلال 25 سنة لا أكثر
بصراحة عالم فاضية , بس الصور أصلا تحفه !!!
===========================================
لمزيد من المعلومات عن البرج :
http://www.ibda3world.com/?p=13
http://www.ibda3world.com/?p=10054
http://www.ibda3world.com/?p=8797
و لمزيد من المعلومات عن الأبراج الأخرى
http://www.ibda3world.com/?p=1312
الموقع الرسمى لبرج دبى
===========================================
ملحوظة
الصور المستخدمة , مصدرها موقع عالم الإبداع , و اللى فعلا أبدع فى الحديث عن البرج
و فى صور كتير جدا فى اللينكات اللى فى الأخر من موقع عالم الابداع
===========================================
سلااااام
3 يناير, 2010التاريخ يعيد نفسه !!! – ذكريات سنة أولى
السلام عليكم ,,
اليومين دول من أكثر الأيام لبخة عندنا فى الكلية ,,
امتحانات شفوى و عملى ,, ربنا يكون فى عون الجميع
الظريف بقى أن عندنا امتحان , DataBase يوم الثلاثاء
و داتابيز يعنى دكتور هشام (رئيس القسم) ,,دكتور محترم جداا
و طبعا غنى عن التعريف.
افتكرت لما كان الدكتور بيعطينا شبكات فى سنة أولى ,,
و عندنا امتحان شفوى , و المفروض ناخد معانا المحاضرات وغيره (اى حاجة تبع المادة)
الطريف جداا,, ان مكنش معانا محاضرات
كمان كنت لسه شارى اللاب توب جديد , و كنت عملت سلك نت خمسة متر علشان أوصل
اللاب بتاعى بـ اللاب توب بتاع السيد و نلعب شوية و أحنا فى الكلية أو عنده فى البيت
عملنا ايه بقى ,, مفيش محاضرات ولا حاجة ندخل بيها
أخدنا السلك فى كيسة سودة و دخلنا للدكتور
المنظر كان عجيب فعلا , الطلبة كلها واقفة بكشكول و محاضرات بقى و كله بيجهز للسؤال اللى هيتساله جوه
و احنا داخلين بشنطة سوده و فيها سلك نت و أخضر كمان ( علشان تكمل )
الدكتور سألنا : ايه ده ,, قلنا : ده سلك عملناه علشان نوصل جهازين ببعض , حاجة بسيطة كده
سألنا جبتوا الألوان بتاع التأريج منين ,, من ع النت يادكتور ( جوجل ربنا يخليه )
بص لنا كويس جدا , و قال لنا تمام ,,
كانت أول مادة أجيب فيها جيد جدا فى الكلية الجميلة دى
نفس الدكتور بقى يوم الثلاثاء الجاى ,, و شفوى و الدكتور قال هاتوا أى حاجة معاكوا ( حاجة ترفع الدرجات )
المشكلة انها قواعد بيانات ,, ولازم ندخل بحاجة , فالتاريخ بيعيد نفسه
ياترى لو دخلت بنفس السلك الأخضر , هيبقى الوضع مختلف )
ان شاء الله نفكر فى حاجة و ندخل بيها . ( بس نذاكر المادة الأول )
ذكريات لذيذة
سلاااااااااااام
1 يناير, 2010الحمد لله :)
السلام عليكم ,,
أعزائى زوار المدونة , ده لو لسه فى زوار
بعد انقطاع دام حوالى شهر او أكثر , رجعت المدونة المهجورة تانى لعملية إعادة الإعمار
مع بداية السنة الجديدة
تم ضم المدونتين ( الشخصية + التقنية ) فى مدونة و احدة , لتوحيد الجهود و لم الشمل
و ان شاء الله هيكون فى متابعة منى أكثر من كده ,
الفترة اللى فاتت كانت مليئة بالأحداث ,, و مفيش فرصة الواحد يدخل المدونة يكتب عن أى حاجة .
بس الحمد لله , لسه الأمل موجود , و رجعت تانى
من أحد الاشياء المهمة اللى حصلت لى هى انى اشتغلت فى شركة ITEC كـ Web developer / Instructor
و ماشاء الله , الشركة ممتازة جدا عكس ماكنت أتصور + فريق عمل ممتاز و متعاون (ربنا يكرمهم جميعا)
و الأطرف بقى انى قررت أكمل فى البرمجة , و بدأت بالفعل , ( بعد ماكنت على وشك امتحن CCNA )
لكن الحمد لله , البرمجة حلوة برده , كفاية انك بتشوف نتيجة قدامك , تتعلم حاجة وتطبق و تعمل بروجيكت مع نفسك
وداعا 2009 بما فيكى من أحداث و خبرات كثيرة اتعلمت منها كتير جدا ( من أحد أهم السنة اللى عمرى ما هنساها)
و أهلا 2010 , و أتمنى 2010 تبقى أفضل بكتير , و أحقق كل اللى بتمناه , و تبقى سنة سعيدة ع الكل .
بالنسبة للمدونة , ان شاء الله هحاول اتابع فيها بإستمرار ( على الرغم من الأمتحانات المزعجة – دعواتكم معانا )
و ان شاء الله اغير الثيم ده فى أقرب وقت ممكن .
ان شاء الله هتكلم هنا عن أى حاجة , مش شرط تقنى او شخصى .
لو حابب تتابع أو كنت بتتابع ( ده لينك الـ RSS الجديد )
أتمنى لكم حياة سعيدة و ناجحة
بالتوفيق ان شاء الله
سلام عليكم
