M.M.F Blog

السلام عليكم

مع اسبوع ملئ بالأحداث , نتشرف بدعوتكم سيادكتم لحضور كات سكوب.

كات سكوب هو مؤتمر سنوى تنظمه أسرة كـات. و فى هذا المؤتمر يعطى مهندسين ذوى خبرة محاضرات فى مجال IT , و بعضها HR.

يعتبر كات سكوب و احد من أهم الأحداث التقنية بجامعة المنصورة حيث يعتبر تجمع للعقول النبيهة فى مصر.

تتنوع المحاضرات مابين الحديث عن اللينكس و البرمجة و الجرافيك و برمجة مواقع الويب و برمجة الألعاب ….. , الخ

ان شاء الرحمن سيقام الحدث على مدار أربعة أيام ( الأربعاء  12 مايو , الخميس , السبت , الأحد )

بقاعة الدكتور رشاد البدراوى – كلية الهندسة – جامعة المنصورة.

جدول الحدث

لينكات مفيدة

• موقع أسرة كات
• موقع كات سكوب
• صفحة الجدول

و شكراا

السلام عليكم ,

كنا قد تحدثنا فى التدوينة السابقة عن regular expression بشكل عام,

و قمنا بإستخدام صفحة regular expression helper للتطبيق على الأمثلة ,

و الأن حان الوقت للتحدث عن كيفية استخدام regular expressions فى لغة PHP.

يوجد نوعين من الـ regular expressions  فى PHP :

1. POSIX Extended و نستخدم معه الدوال ereg , eregi
2. Perl Compatible و نستخدم معه الدوال perl_match, perl_replace

و الجدير بالذكر أنه يجب وضع الـ regular expression بين علامتين forward slash /  فى حالة استخدام Perl Compitable, و أيضا يجب ذكر أن Perl Compatible أقوى و أسرع من POSIX Extended .  و إليكم الأمثلة:

Regular Expression to check email using Perl compatible

$email = 'anyone@yahoo.com';
$pattern = '/^[a-zA-Z0-9._-]+@[a-zA-Z0-9-]+\.[a-zA-Z.]{2,5}$/';
if( preg_match( $pattern, $email ) ) {
    echo 'good one';
} else {
    echo "Bad email!, doesn't match";
}

Regular Expression to check email using POSIX Extended

$email = 'anyone@yahoo.com';
$pattern = '^[a-zA-Z0-9._-]+@[a-zA-Z0-9-]+\.[a-zA-Z.]{2,5}$';
if( ereg( $pattern, $email ) ) {
    echo 'good one';
} else {
    echo "Bad email!, doesn't match";
}

و هكذا يمكنك استخدام regular expressions داخل PHP.

بالتوفيق ان شاء الرحمن

السلام عليكم ورحمه الله ,

إليكم شرح regular expressions أو مايطلق عليها التعابير القياسية ,

الشرح باللغة العربية , كما يمكن التطبيق عن طريق استخدم الصفحة التالية:

Regular Expression Helper

الشرح يعتبر مقدمة جيدة فى regular expressions و مفيدة ان شاء الله

و قت سعيد مع  regular expressions

للتحميل اضغط هنا

تحديث: تم اضافة الكتاب فى موقع كتب kutub.info .
بالتوفيق ان شاء الله.

السلام عليكم ورحمة الله وبركــاته 

مقدمة :
اكيد سمعنا عن الكوكيز و أكيد فى ناس كتير عارفاها كويس .
و اكيد كلنا لما بندخل موقع ونعمل تسجيل الدخول ( وتعمل صح على تذكرنى ) ,, لما تدخل الموقع تانى بيكون عارفك 
و اكيد برده , لما بتحول جوجل من العربى للأنجليش او العكس , تدخل مرة تانية تلاقى جوجل على حسب ماانت اخترت اخر مرة ( سواء عربى او انجليش )
الموضوع كله متعلق بالـ كوكيز .

ماهى ال Cookie ؟
هى عبارة عن ملفات نصية ( يعنى مش برامج او باتشات ) بيرسلها الموقع اللى بتدخل عليه للمتصفح بتاعك علشان يحفظها عندك ع الجهاز .
الملفات دى بيكون فيها معلومات عنك . المعلومات دى لما الموقع بيحتاجها بيطلبها من المتصفح .
مثلا جوجل :
لما تحول جول من انجليش لعربى , ايه اللى بيحصل ؟ 
جوجل يبعت ملف كوكيز للمتصفح بتاعك , الملف ده بيحتوى على شوية معلومات منها انك اخترت ان جوجل يبقى عربى 
لما تدخل تانى على جوجل بعد كده , جوجل بيطلب ملف الكوكيز من المتصفح و يقرأ اللى جواه فيلاقى انك كنت عاوز جوجل عربى فيعرضه ليك كده .

طبعا المعلومات داخل ملفات الكوكيز , بتختلف من موقع لأخر .
و طبعا كل موقع مش ليه الحق غير انه يطلب الملف بتاعه بس , يعنى مينفعش موقع يشوف الكوكيز بتاع موقع تانى. 
و الاجمل من كده , ان كل متصفح ليه مكان بيحفظ فيه الكوكيز بتاعته , ازاى ؟
يعنى انت ممكن تدخل على منتدى بأكثر من مستخدم عن طريق اكثر من متصفح , و كل متصفح فى كوكىز من نفس المنتدى بس الأختلاف فى البيانات اللى فيها.

كيف تعمل الكوكيز ؟
لما بتطلب تشوف موقع معين , المتصفح بتاعك بيرسل بيانات الى الموقع ( الآى بى بتاعك , نوع المتصفح , نظام التشغييل , ويبحث المتصفح عن ملفات الكوكيز الخاصة بالموقع وان وجد يرسلها له مع الطلب.
- يستطيع الموقع عند استلامه الطلب انه يستفيد من الكوكيز المرسلة ( مثلا عرض وقت اخر زيارة لك , تظبيط الخيارات المفضلة لديك , تسجيل الدخول التلقائى ,….. الخ) و بإمكان الموقع التعديل فى الكوكيز الخاصة به
او حتى حذفها .

ملحوظات:

• ملف الكوكيز بيكون مرتبط بوقت معين , و ده اللى بيحدده الموقع او بمعنى اصح مبرمج الموقع ( يعنى بيحدد ان ملف الكوكيز ينتهى صلاحيته بعد يوم , اسبوع , سنة , براحته )
• و طبعا بما ان الملف بتاع الكويكز ده عندك فممكن بكل بساطة تمسحه.
• طبعا بكل بساطة ممكن تخلى المتصفح بتاعك يرفض الكوكيز خالص او يرفضها من مواقع معينة.

هل الكوكيز آمنـــــة ؟

• لو حد دخل عندك ع الجهاز وسرق الكوكيز او اخد ملف الكوكيز و نقله عنده فى مكان الكوكيز بتاع المتصفح بتاعه , هيدخل كأنه أنت
• لو حد بيتجسس ع الشبكة و بيراقب البيانات المارة ع الشبكة ,, ممكن بكل سهولة يشوف القيم بتاع الكوكيز و ينقلها و يعمل ملف عنده ع الجهاز ويدخل ع الموقع كأنه أنت  ودى ممكن تتحل عن طريف عمل اتصال مشفر.
• او عن طريق حركة جامد جدااا , وهى ان شخص مثلا على منتدى يعمل لينك ظريف برئ و بيقولك اضغط هنا ( ويقول ده موقعى او موقع جميل و كده ) , اللينك ده بكل بساطه فيه كود جافا سكريبت بياخد البيانات اللى فى الكوكيز و يبعتها لموقع تانى علشان يحفظها عنده و ده بنسميه XSS او Cross Site Scripting
• طبعا لو انت عامل ( تذكرنى ) لمنتدى معين , المنتدى بينزل عندك كوكيز ( عادة بيكون فيها الاسم والباص المشفر ) , وبما ان الكوكيز عندك ممكن تغير الأسم مثلا و تدخل ع الموقع , هتلاقى الموقع عمل تسجيل دخول عادى ويقولك أهلا فلان ( الأسم الجديد اللى غيرته ) , وده بيكون عيب من المبرمج .
• وبما ان مدير المنتدى مستخدم عادى برده زى اى حد بس بصلاحيات اكبر , فممكن تعدل ملف الكوكيز بتاعك و تغير الأسم لإسم مدير المنتدى , و الباص المشفر لو عرفت تخمنها بطريقة ما فهتدخل المنتدى كأنك المدير و بصلاحيات المدير و مبروك عليك المنتدى

# وطبعا خليك فاكر ان مفيش نظام أمنى خالى من الثغرااااات 

لمزيد من المعلومات :
http://en.wikipedia.org/wiki/HTTP_cookie
http://tech.spmmf.com/2009/06/session-vs-cookie/

و شكراااا