السلام عليكم ,

انهارده 4 يناير 2010 , افتتاح برج دبى

و اللى مسمعش عن برج دبى , فهو بكل بساطة أعلى برج فى العالم

ارتفاعه أعلى من 800 متر !!!

و الأظرف من كده النافورة اللى بجوار البرج , و الحركات اللى فيها ( اللى بجد تحفة !!! )

الظريف بقى , أن الكويت قررت تبنى برج أعلى من برج دبى ( ارتفاعه 1001 متر تقريبا ) , و اسمه برج مبارك الكبير

و هيتم انشائه خلال 25 سنة لا أكثر

بصراحة عالم فاضية , بس الصور أصلا تحفه !!!

===========================================

لمزيد من المعلومات عن البرج :

http://www.ibda3world.com/?p=13

http://www.ibda3world.com/?p=10054

http://www.ibda3world.com/?p=8797

و لمزيد من المعلومات عن الأبراج الأخرى

http://www.ibda3world.com/?p=1312

الموقع الرسمى لبرج دبى

http://www.burjdubai.com/

===========================================

ملحوظة

الصور المستخدمة , مصدرها موقع عالم الإبداع , و اللى فعلا أبدع فى الحديث عن البرج

و فى صور كتير جدا فى اللينكات اللى فى الأخر من موقع عالم الابداع

===========================================

سلااااام

السلام عليكم ,,

اليومين دول من أكثر الأيام لبخة عندنا فى الكلية ,,

امتحانات شفوى و عملى ,, ربنا يكون فى عون الجميع

الظريف بقى أن عندنا امتحان , DataBase يوم الثلاثاء

و داتابيز يعنى دكتور هشام (رئيس القسم) ,,دكتور محترم جداا

و طبعا غنى عن التعريف.

افتكرت لما كان الدكتور بيعطينا شبكات فى سنة أولى ,,

و عندنا امتحان شفوى , و المفروض ناخد معانا المحاضرات وغيره  (اى حاجة تبع المادة)

الطريف جداا,, ان مكنش معانا محاضرات

كمان كنت لسه شارى اللاب توب جديد , و كنت عملت سلك نت خمسة متر علشان أوصل

اللاب بتاعى بـ اللاب توب بتاع السيد و نلعب شوية و أحنا فى الكلية أو عنده فى البيت

عملنا ايه بقى ,, مفيش محاضرات ولا حاجة ندخل بيها

أخدنا السلك فى كيسة سودة و دخلنا للدكتور

المنظر كان عجيب فعلا , الطلبة كلها واقفة بكشكول و محاضرات بقى و كله بيجهز للسؤال اللى هيتساله جوه

و احنا داخلين بشنطة سوده و فيها سلك نت و أخضر كمان ( علشان تكمل )

الدكتور سألنا : ايه ده ,, قلنا : ده سلك عملناه علشان نوصل جهازين ببعض , حاجة بسيطة كده

سألنا جبتوا الألوان بتاع التأريج منين ,, من ع النت يادكتور ( جوجل ربنا يخليه )

بص لنا كويس جدا , و قال لنا تمام ,,

كانت أول مادة أجيب فيها جيد جدا فى الكلية الجميلة دى

نفس الدكتور بقى يوم الثلاثاء الجاى ,, و شفوى و الدكتور قال هاتوا أى حاجة معاكوا ( حاجة ترفع الدرجات )

المشكلة انها قواعد بيانات ,, ولازم ندخل بحاجة , فالتاريخ بيعيد نفسه

ياترى لو دخلت بنفس السلك الأخضر , هيبقى الوضع مختلف )

ان شاء الله نفكر فى حاجة و ندخل بيها . ( بس نذاكر المادة الأول )

ذكريات لذيذة

سلاااااااااااام

السلام عليكم ,,

أعزائى زوار المدونة , ده لو لسه فى زوار

بعد انقطاع دام حوالى شهر او أكثر , رجعت المدونة المهجورة تانى لعملية إعادة الإعمار

مع بداية السنة الجديدة

تم ضم المدونتين ( الشخصية + التقنية ) فى مدونة و احدة , لتوحيد الجهود و لم الشمل

و ان شاء الله هيكون فى متابعة منى أكثر من كده ,

الفترة اللى فاتت كانت مليئة بالأحداث ,, و مفيش فرصة الواحد يدخل المدونة يكتب عن أى حاجة .

بس الحمد لله , لسه الأمل موجود , و رجعت تانى

من أحد الاشياء المهمة اللى حصلت لى هى انى اشتغلت فى شركة ITEC كـ Web developer / Instructor

و ماشاء الله , الشركة ممتازة جدا عكس ماكنت أتصور + فريق عمل ممتاز و متعاون (ربنا يكرمهم جميعا)

و الأطرف بقى انى قررت أكمل فى البرمجة , و بدأت بالفعل , ( بعد ماكنت على وشك امتحن CCNA )

لكن الحمد لله , البرمجة حلوة برده , كفاية انك بتشوف نتيجة قدامك , تتعلم حاجة وتطبق و تعمل بروجيكت مع نفسك

وداعا 2009 بما فيكى من أحداث و خبرات كثيرة اتعلمت منها كتير جدا ( من أحد أهم السنة اللى عمرى ما هنساها)

و أهلا 2010 , و أتمنى 2010 تبقى أفضل بكتير , و أحقق كل اللى بتمناه , و تبقى سنة سعيدة ع الكل .

بالنسبة للمدونة , ان شاء الله هحاول اتابع فيها بإستمرار ( على الرغم من الأمتحانات المزعجة – دعواتكم معانا )

و ان شاء الله اغير الثيم ده فى أقرب وقت ممكن .

ان شاء الله هتكلم هنا عن أى حاجة , مش شرط تقنى او شخصى .

لو حابب تتابع أو كنت بتتابع ( ده لينك الـ RSS الجديد )

أتمنى لكم حياة سعيدة و ناجحة

بالتوفيق ان شاء الله

سلام عليكم

السلام عليكم ,

تتشرف أسرة CAT بدعوة سيادتكم لحضور إحدى مؤتمراتها

About us

وذلك يوم الثلاثاء القادم 15 ديسمبر 2010

قاعة د/ رشاد البدراوى كلية الهندسة – جامعة المنصورة

CAT about us day

ياريت تشرفونا

سلام عليكم

السلام عليكم ورحمة الله وبركـاته ,

إليكم دليل الـ SEO او Search Engine Optimization محسنات محركات البحث

للتحميل (اضغط هنا)

شكرا م/ إبراهيم عبد الفتاح على المراجعة

إن شاء الله , سيكون هناك نسخة عربية من الموضوع(فى أقرب وقت)

سلاااام.

السلام عليكم,

ان شاء الله سيتم طرح العديد من أفكار مشاريع التخرج
Video Conference
تطوير نظام لمؤتمرات الفيديو



النظام بكل بساطة عملية نقل للصوت و الصورة و ممكن كمان التحكم عن بعد و مميزات كتير هيتم ذكرها.

استخدام النظام:
مؤتمرات الفيديو Video Conference
النظام هيكون مفيد جداا فى مؤتمرات الفيديو اللى بتتم على الأنترنت, و هيساعد أعضاء الشركة او الشركات اللى
ليها فروع انها تعمل اجتماعات عن بعد.

التعليم عن بعد E-Learning
هيكون مفيد جداا فى التعليم عن بعد برده, مثلا لو فى ميعاد محدد للمحاضرة أونلين, الدكتور يفتح البرنامج و يعمل كونكت
و هكذا الطلاب, و الدكتور يشرح و يقدر يعمل شير لسطح المكتب, و الطلاب ممكن يتناقشوا معاه.
و ممكن كمان الدكتور يقدر يتحكم فى جهاز شخص معين لو سمح له , علشان لو فى مشاكل مثلا طالب مش عارف يطبق 
الشرح, فالدكتور يدخل عنده عن بعد و يظبط له.

الدكتور البعيد Remote Doctor
الدكتور يكون عنده نسخة من البرنامج, و هكذا المريض. و تتم عملية الكشف عن بعد فقط جهاز كمبيوتر و كاميرا
و تقدر تكلم الدكتور و تتابع الحالة بإستمرار من البيت وده هيكون مفيد جداا لان فى مرضى بيكون صعب
انهم يخرجوا من البيت و كده.

الدعم الفنى عن بعد Remote Support
ممكن تستخدمه الشركـات فى الدعم الفنى عن بعد, يعنى العميل يكون عنده نسخة من البرنامج, و الفنيين بتوع الشركة يقدره
يكلموا العميل و يحلوا المشاكل عن بعد و هكذا.

المحاضرات التفاعلية Sessions
يعنى لما بيكون فى سيشن او مؤتمر و فى حضور , بيكون فى ناس فى أماكن بعيدة مش عارفة تحضر, فالناس المنظمين المؤتمر
يبثوا السيشن مباشرة ع النت, و اللى عاوز يتابع يفتح البرنامج و يقدر يستفسر و يبعت أسئلة كأنه حاضر معاهم.

المميزات :

• نظام صوت و صورة متميز
• إمكانية التحكم عن بعد Remote Control
• مزود بنظام دردشة كتابى Text Chat
• إمكانية تسجيل المؤتمر لمشاهدته فى وقت لاحق.
• إمكانية مشاركة و إرسال الملفات File Sharing
• و غيره من الأفكار اللى ممكن تيجى فى دماغك.

طيب, سؤال بيطرح نفسه. طب مالإيمل فيه معظم الكلام ده ؟
تطوير نظام خاص بالمهام دى لوحدها بيكون أفضل بكثير, و كمان بيحسن أكثر جودة الخدمة
يعنى بيخلى الإهتمام أكثر على عملية نقل الصوت و الصورة بطريقة أفضل.

من أشهر الأمثلة Cisco Webex

التسويق:
من جهة التسويق فالمشروع من السهل جدا التسويق ليه و خصوصا انه فكرة جميلة, و ليه تطبيقات فى أماكن
كتير زى العيادة و التعليم و الشركات و الإجتماعات و الدعم الفنى.
فبالتالى هيبقى سهل جدا تلاقى ليه سوق هنا بعد ماتتخرج.

طيب, هنحتاج إيه ؟
بكل بساطة هتحتاج لغة برمجة مثلا جافا أو سى شارب.
طبعا المشروع فيه برمجة شبكات جميلة جداا Network Programming
فهتذاكر كويس جداا برمجة شبكات و برمجة Client/Server
و تعرف عن VOIP = Voice Over IP اللى هى التركيز عليها كبير اوى اليومين دول.
و مواضيع تانية زى Video Streaming , Remote Control

فالإستفادة هتكون كبيرة كمان سواء فى البرمجة او الشبكــات.
و المشروع من حيث التسويق تمام. و سهل مش صعب.

لينكات مهمة:
http://en.wikipedia.org/wiki/Videoconferencing
http://www.webex.com/
http://www.ivci.com/international_videoconferencing_news_whitepapers.html


بالتوفيق ان شاء الله