M.M.F Blog

السلام عليكم ,

بعد غياب طويل , أعود بالخبر الذى أسعدنى كثير و هو :

اقامة جنازة للمتصفح انترنت اكسبلورر 6 فى بداية الشهر الحالى (1 مارس 2010 )

نعم, جنازة . فالمرحوم كان غالى علينا جداا و خصوصا مصممى مواقع الويب

لمن لايستطيع حضور الجنازة , يمكنك حضورها عبر الموقع الرسمى للجنازة.

الطريف جداا , أن شركة مايكروسوفت صاحبة المتصفح , قامت بإرسال الورود لمقر الجنازة

بدأ الأمر بمناداة من موقع IE6Nomore بوقف استخدام متصفح انترنت اكسبلورر 6.

و نداء من جوجل باستخدام المتصفحات الحديثة .

ثم قامت جوجل بوقف دعم خدماتها لمتصفح انترنت اكسبلورر6

و أخيرا اقامة جنازة للمتصفح فى الموقع التالى.

اذا كنت من مستخدمى انترنت اكسبلورر 6 , و الذى يأتى كمتصفح افتراضى مع ويندز اكس بى

من فضلك قم  بتنزيل متصفح حديث مثل جوجل كروم, فايرفوكس , انترنت اكسبلورر 8 , أوبرا , سفارى , …

سلام عليكم.

السلام عليكم ورحمه الله وبركاته

دى قصيدة للإمام الشافعى رحمه الله :

سلام عليكم

السلام عليكم ,,

من أفضل الحاجات اللى ممكن تحملها من ع النت هى موسوعة ويكيبيديا

و دى هتكون مناسبة لناس كتير مثلا الناس اللى هتفصل النت (لاقدر الله)

و عاوزه يكون عندها ويكيبيديا أوفلين

موسوعة ويكيبيديا و هى أكبر موسوعة على الانترنت , حيث تحتوى على أكثر من 3 مليون مقال باللغة الانجليزية ,, و أكثر من 118 ألف مقال باللغة العربية.

وببساطة يمكنك تحميل هذه الموسوعة الهائلة , و بأى لغة تحب .

ومن موقع تحميل موسوعة ويكيبيديا الرسمى.

http://download.wikipedia.org/

تحميل موسوعة ويكيبيديا باللغة الإنجليزية (14 جيجا)

http://static.wikipedia.org/downloads/2008-06/en/

تحميل موسوعة ويكيبيديا باللغة العربية (175 ميجا)

http://static.wikipedia.org/downloads/2008-06/ar/

تحميل سعيد

سلام عليكم.

السلام عليكم ,,

فى نهاية حلقة “أينشتين و النسبية” من حلقات برنامج العلم و الإيمان ,

يوضح الدكتور مصطفى محمود “الفرق بين العبقرى و أى شخص عادى”

توضيح أكثر من رائع ,, ربنا يرحمه يارب

سلام عليكم

السلام عليكم ,

انهارده 4 يناير 2010 , افتتاح برج دبى

و اللى مسمعش عن برج دبى , فهو بكل بساطة أعلى برج فى العالم

ارتفاعه أعلى من 800 متر !!!

و الأظرف من كده النافورة اللى بجوار البرج , و الحركات اللى فيها ( اللى بجد تحفة !!! )

الظريف بقى , أن الكويت قررت تبنى برج أعلى من برج دبى ( ارتفاعه 1001 متر تقريبا ) , و اسمه برج مبارك الكبير

و هيتم انشائه خلال 25 سنة لا أكثر

بصراحة عالم فاضية , بس الصور أصلا تحفه !!!

===========================================

لمزيد من المعلومات عن البرج :

http://www.ibda3world.com/?p=13

http://www.ibda3world.com/?p=10054

http://www.ibda3world.com/?p=8797

و لمزيد من المعلومات عن الأبراج الأخرى

http://www.ibda3world.com/?p=1312

الموقع الرسمى لبرج دبى

http://www.burjdubai.com/

===========================================

ملحوظة

الصور المستخدمة , مصدرها موقع عالم الإبداع , و اللى فعلا أبدع فى الحديث عن البرج

و فى صور كتير جدا فى اللينكات اللى فى الأخر من موقع عالم الابداع

===========================================

سلااااام

السلام عليكم ,,

اليومين دول من أكثر الأيام لبخة عندنا فى الكلية ,,

امتحانات شفوى و عملى ,, ربنا يكون فى عون الجميع

الظريف بقى أن عندنا امتحان , DataBase يوم الثلاثاء

و داتابيز يعنى دكتور هشام (رئيس القسم) ,,دكتور محترم جداا

و طبعا غنى عن التعريف.

افتكرت لما كان الدكتور بيعطينا شبكات فى سنة أولى ,,

و عندنا امتحان شفوى , و المفروض ناخد معانا المحاضرات وغيره  (اى حاجة تبع المادة)

الطريف جداا,, ان مكنش معانا محاضرات

كمان كنت لسه شارى اللاب توب جديد , و كنت عملت سلك نت خمسة متر علشان أوصل

اللاب بتاعى بـ اللاب توب بتاع السيد و نلعب شوية و أحنا فى الكلية أو عنده فى البيت

عملنا ايه بقى ,, مفيش محاضرات ولا حاجة ندخل بيها

أخدنا السلك فى كيسة سودة و دخلنا للدكتور

المنظر كان عجيب فعلا , الطلبة كلها واقفة بكشكول و محاضرات بقى و كله بيجهز للسؤال اللى هيتساله جوه

و احنا داخلين بشنطة سوده و فيها سلك نت و أخضر كمان ( علشان تكمل )

الدكتور سألنا : ايه ده ,, قلنا : ده سلك عملناه علشان نوصل جهازين ببعض , حاجة بسيطة كده

سألنا جبتوا الألوان بتاع التأريج منين ,, من ع النت يادكتور ( جوجل ربنا يخليه )

بص لنا كويس جدا , و قال لنا تمام ,,

كانت أول مادة أجيب فيها جيد جدا فى الكلية الجميلة دى

نفس الدكتور بقى يوم الثلاثاء الجاى ,, و شفوى و الدكتور قال هاتوا أى حاجة معاكوا ( حاجة ترفع الدرجات )

المشكلة انها قواعد بيانات ,, ولازم ندخل بحاجة , فالتاريخ بيعيد نفسه

ياترى لو دخلت بنفس السلك الأخضر , هيبقى الوضع مختلف )

ان شاء الله نفكر فى حاجة و ندخل بيها . ( بس نذاكر المادة الأول )

ذكريات لذيذة

سلاااااااااااام