مع اسبوع ملئ بالأحداث , نتشرف بدعوتكم سيادكتم لحضور كات سكوب.

كات سكوب هو مؤتمر سنوى تنظمه أسرة كـات. و فى هذا المؤتمر يعطى مهندسين ذوى خبرة محاضرات فى مجال IT , و بعضها HR.

يعتبر كات سكوب و احد من أهم الأحداث التقنية بجامعة المنصورة حيث يعتبر تجمع للعقول النبيهة فى مصر.

تتنوع المحاضرات مابين الحديث عن اللينكس و البرمجة و الجرافيك و برمجة مواقع الويب و برمجة الألعاب ….. , الخ

ان شاء الرحمن سيقام الحدث على مدار أربعة أيام ( الأربعاء  12 مايو , الخميس , السبت , الأحد )

بقاعة الدكتور رشاد البدراوى – كلية الهندسة – جامعة المنصورة.

جدول الحدث

لينكات مفيدة

• موقع أسرة كات
• موقع كات سكوب
• صفحة الجدول

و شكراا

موضوع اليوم مختلف تماماً

ASIMO Robot

Advanced Step in Innovative MObility

و بالعربى خطوة متقدمة فى الحركة الابداعية

روبوت عملته شركة هوندا , فى قسم الأبحاث و التطوير بس مش زى أى روبوت عادى

ده بيمشى و بيجرى بسرعة 6 كم / ساعة

طوله 130 سم و وزنه 54 كم

قادر على التعرف على الاشياء و الصوت و التعلم …. الخ

نشوف الفيديوهات أحسن

ده اعلان الروبوت  ASIMO

و ده فيديو تانى فيه الروبوت ASIMO بيمشى و يجرى و يعمل حاجات تانية كتير

و ده فيديو بيوضح ازاى الروبوت ASIMO ذكى و بيتعلم

و أخير أحب أنهى بالروبوت اللى بيسوق عجلة و بالفصحى “الدراجة”

سلااام

طبعا الواحد لازم يكون متابع وعلى اطلاع دايما بأخر الأخبار التقنية

و فى كام موقع بتابعهم , فعملت جروب ع الفيس بوك علشان اشارك

اخر الاخبار مع الناس فى الجروب.

لمتابعة أخر الأخبار و المقالات التقنية , يمكنك الاشتراك فى

جروب أخر الأخبار و المقالات التقنية على الفيسبوك

لدعوة أصدقائك للجروب

لو فى خبر عجبك , ممكن تبعته فى الجروب عادى

لو فى موقع بتتابع من عليه الأخبار ممكن تبعته هنا.

لو عندك فكرة او اقتراح ممكن تكلمنى.

سلام

اليوم سأتحدث شئ عظيم جداا ,  شئ عزيز إلى قلبى.
سأتحدث عن حبى و إعتزازى , بالطبع ليست غسالة كريازى
و انما البروتوكول الرائع HTTP أو Hypertext Transfer Protocol

يعمل HTTP بطريقة Client/Server  فمثلا المتصفح يسمى HTTP Client  و هو الذى يقوم بإرسال الطلبات requests  إلى السيرفر HTTP Server  و الذى بدوره يقوم بإرسال الرد response  إلى المتصفح.

أما مع برتوكول HTTP/1.1 فيتم استخدام اتصال دائم , و عن طريق استخدام تكنيك Keep-Alive يمكن استخدام نفس الاتصال لتحميل الخمس صور , وبالتالى فإن HTTP/1.1 أسرع من HTTP/1.0 .

يقوم المتصفح بإنشاء طلب HTTP Request

و عندما يصل هذا الطلب إلى السيرفر يقوم بالرد على المتصفح بـ HTTP Response.

GET /icons/rss.png HTTP/1.1
Host: www.eng-mmf.com

و التى تعنى أنك تطلب الصورة الموجودة فى المسار التالى icons/rss.png و أنك تستعمل بروتوكول HTTP النسخة 1.1

HTTP/1.1 200 OK
Server: Apache/1.3.3.7 (Unix)  (Red-Hat/Linux)
Last-Modified: Wed, 08 Jan 2003 23:11:55 GMT
Content-Length: 438
مContent-Type: text/html; charset=UTF-8

HTTP Caching, HTTP Compression, HTTPS

بالتوفيق ان شاء الله.

إليكم دليل الـ SEO او Search Engine Optimization محسنات محركات البحث

للتحميل (اضغط هنا)

شكرا م/ إبراهيم عبد الفتاح على المراجعة

إن شاء الله , سيكون هناك نسخة عربية من الموضوع(فى أقرب وقت)

سلاااام.

ان شاء الله سيتم طرح العديد من أفكار مشاريع التخرج
Video Conference
تطوير نظام لمؤتمرات الفيديو



النظام بكل بساطة عملية نقل للصوت و الصورة و ممكن كمان التحكم عن بعد و مميزات كتير هيتم ذكرها.

استخدام النظام:
مؤتمرات الفيديو Video Conference
النظام هيكون مفيد جداا فى مؤتمرات الفيديو اللى بتتم على الأنترنت, و هيساعد أعضاء الشركة او الشركات اللى
ليها فروع انها تعمل اجتماعات عن بعد.

التعليم عن بعد E-Learning
هيكون مفيد جداا فى التعليم عن بعد برده, مثلا لو فى ميعاد محدد للمحاضرة أونلين, الدكتور يفتح البرنامج و يعمل كونكت
و هكذا الطلاب, و الدكتور يشرح و يقدر يعمل شير لسطح المكتب, و الطلاب ممكن يتناقشوا معاه.
و ممكن كمان الدكتور يقدر يتحكم فى جهاز شخص معين لو سمح له , علشان لو فى مشاكل مثلا طالب مش عارف يطبق 
الشرح, فالدكتور يدخل عنده عن بعد و يظبط له.

الدكتور البعيد Remote Doctor
الدكتور يكون عنده نسخة من البرنامج, و هكذا المريض. و تتم عملية الكشف عن بعد فقط جهاز كمبيوتر و كاميرا
و تقدر تكلم الدكتور و تتابع الحالة بإستمرار من البيت وده هيكون مفيد جداا لان فى مرضى بيكون صعب
انهم يخرجوا من البيت و كده.

الدعم الفنى عن بعد Remote Support
ممكن تستخدمه الشركـات فى الدعم الفنى عن بعد, يعنى العميل يكون عنده نسخة من البرنامج, و الفنيين بتوع الشركة يقدره
يكلموا العميل و يحلوا المشاكل عن بعد و هكذا.

المحاضرات التفاعلية Sessions
يعنى لما بيكون فى سيشن او مؤتمر و فى حضور , بيكون فى ناس فى أماكن بعيدة مش عارفة تحضر, فالناس المنظمين المؤتمر
يبثوا السيشن مباشرة ع النت, و اللى عاوز يتابع يفتح البرنامج و يقدر يستفسر و يبعت أسئلة كأنه حاضر معاهم.

المميزات :

• نظام صوت و صورة متميز
• إمكانية التحكم عن بعد Remote Control
• مزود بنظام دردشة كتابى Text Chat
• إمكانية تسجيل المؤتمر لمشاهدته فى وقت لاحق.
• إمكانية مشاركة و إرسال الملفات File Sharing
• و غيره من الأفكار اللى ممكن تيجى فى دماغك.

طيب, سؤال بيطرح نفسه. طب مالإيمل فيه معظم الكلام ده ؟
تطوير نظام خاص بالمهام دى لوحدها بيكون أفضل بكثير, و كمان بيحسن أكثر جودة الخدمة
يعنى بيخلى الإهتمام أكثر على عملية نقل الصوت و الصورة بطريقة أفضل.

من أشهر الأمثلة Cisco Webex

التسويق:
من جهة التسويق فالمشروع من السهل جدا التسويق ليه و خصوصا انه فكرة جميلة, و ليه تطبيقات فى أماكن
كتير زى العيادة و التعليم و الشركات و الإجتماعات و الدعم الفنى.
فبالتالى هيبقى سهل جدا تلاقى ليه سوق هنا بعد ماتتخرج.

طيب, هنحتاج إيه ؟
بكل بساطة هتحتاج لغة برمجة مثلا جافا أو سى شارب.
طبعا المشروع فيه برمجة شبكات جميلة جداا Network Programming
فهتذاكر كويس جداا برمجة شبكات و برمجة Client/Server
و تعرف عن VOIP = Voice Over IP اللى هى التركيز عليها كبير اوى اليومين دول.
و مواضيع تانية زى Video Streaming , Remote Control

فالإستفادة هتكون كبيرة كمان سواء فى البرمجة او الشبكــات.
و المشروع من حيث التسويق تمام. و سهل مش صعب.

لينكات مهمة:
http://en.wikipedia.org/wiki/Videoconferencing
http://www.webex.com/
http://www.ivci.com/international_videoconferencing_news_whitepapers.html


بالتوفيق ان شاء الله

إليكم تدوينة سريعة عن أخر و أهم الأخبار التقنية فى الأيام الماضية:

• جوجل تطلق لغة البرمجة Go
  • أطلقت جوجل منذ أيام قليلة لغتها الجديدة و التى تطلع عليها Go.
  • يمكنك معرفة المزيد عن اللغة عن طريق زيارة الموقع http://golang.org/

• ثغرة خطيرة جداا فى فــلاش , ولا يوجد حل حتى الأن !!!
  • أكتشف باحثوا أمن ثغرة خطيرة بالفلاش تهدد 99% من مستخدمى الأنترنت.
  • لا يوجد للثغرة حل حتى الأن حسب ماقالته شركة أدوبى.
  • المشكلة تكمن فى الأكشن سكريبت بملف الفلاش swf , و الذى من خلاله يمكن الإختراق.
  • لمعرفة المزيد – إليك مصدر الخبر

• جوجل تفكر فى التخلص من بروتوكل HTTP الشهير
  • تخطط جوجل لعمل بروتوكول اسمه SPDY و الذى تتمنى أن يحل محل HTTP .
  • تقول جوجل بأن برتوكول HTTP أصبح قديما و لا يساير التغيير الحاصل فى الأنترنت.
  • أكدت أن SPDY سيدعم سرعة أكبر مع إتصال أكثر أمـانا و موثوقية.
  • أكدت تجاربهم أن SPDY أفضل بنسبة 55 % من حيث الأداء و التحميل.
  • للمزيد – أضغط هنا

• إنشاء أول نطاق انترنت عربى فى مصر
  • مصر دوت نت , أول نطاق انترنت عربى
  • للمزيد – مصدر الخبر

و أخير :

• ناسا تؤكد العثور على كميات ضخمة من المياه على سطح القمر
  • أكدت وكالة الفضاء الأمريكية (NASA) العثور على كميات ضخمة من الماء على سطح القمر
  • للمزيد – موقع ناسا

نقلنا لكم مجموعة من أهم الأخبــار التقنية و التكنولوجية على الساحة ,

كان معكم : MMF

سلااااااام

ماهو Social bookmarking
- ترجمة حرفية : المفضلات الأجتماعية
عبارة عن طريقة تساعد مستخدمى الأنترنت انهم يحفظوا و ينظموا و يصنفوا و يبحثوا و يديروا المواقع المفضلة لديهم و لكن على الأنترنت .

طبعا كلنا عارفين المفضلة اللى موجودة فى المتصفح , بس دى بتكون على جهازك انت بس
انما فى social bookmarking بتكون على الأنترنت , يعنى تقدر تشوفها من اى مكان

بمعنى اخر
social bookmarking عبارة عن نسخة اون لاين من المواقع المفضلة لديك  , ولكن بأمكانيات اكثر

تاريخ الخدمة :
بدأت سنة 1996 و لكن ظهورها الحقيقى بدأ عام 2003 مع ظهور موقع del.icio.us
و ظهور مواقع اخرى مثل furl و simpy

مالذى يقدمه :
مش بس تقدر تحفظ مواقعك المفضلة ع النت وتبعتها لأصدقائك – ممكن كمان تشوف المواقع المفضلة لأشخاص اخرين و كمان تقدر تصنف مواقعك كل مواقع تحت تصنيف او اكتر و ممكن تشوف اخر المواقع المضافة من قبل الأخرين و تقدر تبحث كمان
ده معناه ان social bookmarking عبارة عن محرك بحث ذكى intelligent search engines .

المميزات :
1) محرك بحث ذكى
بما ان المواقع المضافة كلها تمت اضافتها بواسطة اشخاص يفهمون المحتوى وليس برنامج كمبيوتر
فعند البحث تحصل على النتائج بدقة عالية , ده غير انه بيتم تقييم الموقع بعدد الناس اللى حفظوه الى مفضلتهم
2) ممكن تشوف المواقع المفضلة لأشخاص اخرين (لو هما سامحين بكده او عاملين share)
3) ممكن تشوف اخر المواقع المضافة او المواقع الشعبية ( الأكثر اضافة ) ز
4) ممكن تحصل على جميع المواقع تحت تصنيف معين

العيوب :

1. سوء التصنيف , نتيجة اخطاء اللغة او غيره .
2. اسم غير ثابت للتصنيف الواحد , بمعنى ممكن واحد يضيف الموقع تحت تصنيف ويب واخر يضيف نفس الموقع تحت تصنيف انترنت واخر يضيفه تحت تصنيف مواقعى وهكذااا
3. سوء الأستغلال , بمعنى ان فى ناس بتستغل المواقع اللى بتقدم خدمة social bookmarking علشان تشهر موقعها , فتضيفه اكتر من مرة و تحت اكتر من تصنيف و هكذا

ده فيديو بيشرح الموضوع بكل بساطة :

بالنسبة لأصحاب المواقع , ممكن تضيف زر عندك فى الموقع علشان يسهل على الزوار انهم يضيفوا موقعك لأى موقع بيقدم خدمة social bookmarking
من هنا :http://www.addthis.com

دى مجموعة من المواقع اللى بتقدم الخدمة :

• http://delicious.com/home
• http://digg.com/
• http://www.furl.net/
• http://www.simpy.com/
• http://www.reddit.com/
• http://www.citeulike.org/
• http://bookmarksync.com/
• http://www.propeller.com/

وكمان مجموعة من ويكيبيديا

http://en.wikipedia.org/wiki/List_of_social_software#Social_bookmarking

المصادر الأجنبية التى استخدمتها (لمزيد من المعلومات عن الموضوع او للقراءة بتوسع):

• http://en.wikipedia.org/wiki/Social_bookmarking
• http://webtrends.about.com/od/socialbookmarking101/p/aboutsocialtags.htm
• http://webtrends.about.com/od/socialbookmarking/a/bookmarking_se.htm
• http://net.educause.edu/ir/library/pdf/ELI7001.pdf

, السلام عليكم

السلام عليكم ورحمة الله وبركاته

مقدمة :

بفرض انك عاوز تعمل شركة ,, و طبعا عاوز سيرفر ,, فطبعا هتشترى سيرفر و ليكن مثلا ب 100 ألف مواصفات كويسة  ,, و طبعا لازم مهندس System Engineer علشان

يتابع السيرفر . و طبعا عاوز تاخد نسخة احتاطى backup من الداتا اللى على السيرفر , فهتشترى سيرفر تانى . و طبعا السيرفر ده بيسحب كهربا كثير جداا ولازم نظام لتبريده , يعنى الفواتير هتبقى جامدة كل شهر سواء استعملت السيرفر ده طول الشهر او مثلا مرتين كل اسبوع ! , فأنت بتدفع بالشهر ده غير راتب المهندس و غيره . و طبعا لو عاوز تعمل upgrade للسيرفر هتبوظ كل اللى بنيته من الأول لانك مش عامل حسابك انه يبقى قابل للتوسيع و إلا كنت جبت سيرفر بمواصفات أعلى من الأول.

طيب , ايه رأيك بقى لو السيرفر ده اصلا موجود ع النت , و مش هتحتاج لمهندس , و لا هتحتاج لسيرفر تانى عشان الـ backups , و لا هتدفع كهربا و لا تبريد و لا مرتب للمهندس و لو عاوز تكبره فى اى وقت , سهل جداا انك توسعه , ده غير انك مش هتدفع غير بس وقت استعمالك للسيرفر , يعنى لما تشغله بس . و أنت مش هتوجع دماغك بقصة الصيانة و التطوير و الحماية , وبكده مفيش تكلفة ابتدائية , كل المطلوب منك انك تستخدم بس . ( هى دى فكرة الـ Cloud Computing )

ماهى الحوسبة السحابية  Cloud Computing

بكل بساطة , هى نقل تطبيقاتك و برامجك و حتى نظام التشغيل على الأنترنت , حيث تتم المعالجة و التشغيل على سيرفرات بعيدة  ذو مواصفات عالية جداا , و الهدف منها ابعاد مشاكل الصيانة والتطوير و الحماية عن المستخدم وبالتالى يصبح المطلوب من المستخدم فقط هو الأستخدام و تتحول برامج تكنولوجيا المعلومات من منتجات إلى خدمــات .

- السحابة Cloud احدى مخططات الشبكة و التى تعبر عن الانترنت فى علم الشبكات Computer Networking

- كل المطلوب من المستخدم هو ان يستطيع الدخول على الأنترنت سواء كان من الموبايل او من الكمبيوتر او غيره .

عندما تسمع كلمة الحوسبة السحابية Cloud Computing  , يجب ان يتبادر إلى ذهنك ثلاث أشياء هامـة :

1) Software As a Service

و هى عملية تحويل منتجات الكمبيوتر من برامج و غيره إلى خدمات على الانترنت , و بالتالى لايحمل المستخدم هم الشراء و الصيانة والتطوير و انما الشئ الوحيد المطلوب منه هو أن يستخدم تلك المنتجات

2) Utility Computing

الدفع مقابل الإنتفاع من الخدمة , مثل الخدمات العامة كالكهرباء و المياة والغاز ,, ولكن هنا لاتدفع إلا عندما تنتفع و هذه ميزة أخرى

3) Virtualization

تتكون البنية التحتيه للحوسبة السحابية Cloud Computing من أنظمة وهمية يمكن الأستفادة منها فى الخدمة , فمثلا يمكنك ان تختار نظام التشغل الخاص بالسيرفر الخاص بك على السحابة , و يمكن ان تختار البرامج الخاصة بك علي النظام نفسه  و يمكنك ان تغير النظام فى اى وقت مع بقاء البرامج تعمل على النظام الجديد.

كيف تعمل الحوسبة السحابية Cloud Computing

بكل بساطة , يطلب العميل من مزود الخدمة  سيرفر مثلا و يدخل الاعدادت و يختار نظام التشغيل و ليكن مثلا لينكس ثم يحدد المساحة و غيرها من الأعدادت , وبعد ذلك يحصل على سيرفر خاص به فى السحابة , و مثلا بعد فترة احتاج مساحة اكبر , يدخل على حسابه فى السحابة و يزود المساحة و فى ثوان يحصل على مساحة اكبر .

المميزات :

1) امكانية التوسيع والتطوير , فبدلا من ان تشترى سيرفر جديد بمساحة عالية ومواصفات أعلى , كل ماعليك هو ان تدخل و تغير الاعدادت فقط و فى ثوان تحصل على ماتريد .

2) التكلفة , فلن تدفع إلا فى مقابل خدمة . لايوجد نظام دفع شهرى , فقط أدفع مقابل الخدمة .

3) عدم الإعتماد على المكان أو الأداة , فيمكنك ان تدخل على السحابة من أى مكان فى العالم ( فقط تحتاج انترنت ) , و يمكن ان تستخدم اى جهاز يستطيع تصفح الأنترنت سواء أكان كمبيوتر او موبايل أو غيره , تخيل معى الأن يمكنك برمجة الجافا من على موبايلك و رؤية النتائج (فقط ارفع برامج للسحابة و دع الباقى عليها ) .

4) ابعاد المستخدم عن المشاكل التقنية او الصيانة والتطوير الخاصة بالنظام , كل ماعليك هو الأستخدام فقط.

5) الدوام , لان الداتا الخاصة بك تحفظ فى اكثر من مكان على مستوى العالم و بالتالى لاخوف عليها من الضياع .

6) الأستفادة من المواصفات العالية للجهاز البعيد فى السحابة , فمثلا إذا كنت مهتم بالجرافيك والماكس و تريد عمل ريندر rendering  ستحتاج الى وقت كبير جدااا , ولكن مع السحابة فقط ارفع ملفاتك لها سواء على سيرفر واحد او اكثر و بالتالى تستفيد من الامكانيات العالية و بعد عمل ريندر يمكنك ان تحفظ الفيلم مرة اخرى عندك.

العيوب :

1) امكانية الوصول , فمثلا المهندس المسئول عن السيرفر فى السحابة يمكن ان يصل إلى بياناتك ويراها .

2) مكان الداتا , بمعنى انك لاتعرف اين تحفظ معلومات , فمن الممكن ان تكون مثلا فى سيرفر خاص بالسحابة فى إسرائيل مثلا , وبالتالى تدخل المشاكل السياسية هنا , و لكن مع السحابة يمكنك ان تختار اماكن لحفظ الداتا و تحاول الشركات المزودة جاهدة فى هذا المجال , لتجنب هذا العيب.

3) الاعتمادية, ماذا يحدث لو ضاعت الملفات مثلا بسب عطل ما , من يضمن امكانية استعادتها سليمة ؟ !

4) الأمــان , هل يتم تشفير البيانات فى كل محطات التخزين , ام انها تبقى غير مشفرة ؟!

5) الموثوقية , من يضمن لى انه عندما امسح ملفاتى , انها ليست موجودة على السيرفر بعد المسح ؟!!

6) سرعة الأنترنت , و هذه مشكلة تواجها الحوسبة السحابية مع الدول النامية.

مكونات الحوسبة السحابية Cloud Computing

1 ) Applications

وهى البرامج ووالخدمات التى يمكن ان يشغلها العميل فى السحابة  , ومع خدمة Software As a Service تم تخفيف عبئ الصيانة والتطوير عن المستخدم.

2) Client

و هو المستخدم , حيث يستخدم جهازه ( سواء كان موبايل او كمبيوتر ) للإستفادة من الخدمة , و من الممكن ان يمتلك نظام تشغيل يدعم السحابة أو يستخدم المتصفح فقط .

3) Infrastructure

و هى البنية التحتية للسحابة ,و التى تقدم كخدمة Instastructure As a Service

4) Platform

و هى المنصة التى تستخدمها فى السحابة , مثل Python Django , Java Google Web Toolkit فى جوجل.

5) Service

وهى الخدمة التى تستخدمها على السحابة و يتعلق الموضوع أكثر بمصطلح Software as a Service و هى عملية تحويل منتجات الحاسب إلى خدمـات.

أمثلة للشركــات التى تقدم الخدمة :

Google , Microsoft, Sun, Amazon, ….  الخ

الحوسبة السحابية Cloud Computing  فى تطور مستمر , فمعظم الشركات تحاول و تطور جاهدة لتقديم خدمة افضل , فمثلا شركة مايكروسوفت أعلنت قريبا أنها ستنقل تطبيقها المشهور , مايكروسوفت أوفيس إلى السحابة (مصدر الخبر).

# فبكل بساطة يمكننا القول بأن الحوسبة السحابية مفيدة جداا فى مجال الـ Business  و خصوصا المشاريع الصغيرة Small business .

# يمكن تلخيص الموضوع بأكمله فى الفيديوهات التالية :

المصادر بتصرف منى :

http://en.wikipedia.org/wiki/Cloud_computing

http://knol.google.com/k/sam-johnston/cloud-computing/1ndljz4ypn6xa/2#

بالتوفيق ان شاء الرحمــن