اذا كنت مطور مواقع و خاصة بلغة PHP فقد تكون فكرت ” هل يمكن أن يتم تنفيذ ملف PHP أوتوماتيكيا ؟!!! ” ؟ .
الحل لتنفيذ ملفات php اوتوماتيكيا هو Cron jobs.
اذا كنت صاحب موقع و تود عمل استراتيجية لعمل backup لقاعدة البيانات ( مثلا كل أسبوع ) , فالطبيعى أن تقوم
بتشغيل السكريبت بنفسك ( و هذا السكريبت يقوم بدوره و هو أخد نسخة backup من قاعدة البيانات ).
هل فكرت أن كل ذلك يمكن أن يتم أوتوماتيكيا بدون أى تدخل منك ؟!!!
بالإضافة لذلك سيتم ارسال رسالة إلى ايميلك لإعلامك أنه تم أخد نسخة احتياطى من قاعدة البيانات
الطبيعى أن ملف php يحتاج لتدخل منك لكى يتم تنفيذه, و لكن مع cron jobs يمكن أن يتم تنفيذ الملف أوتوماتيكيا !!ماهى Cron Jobs ؟
أفضل تعريف وجدته لـ Cron Jobs هو
A command on a server, executed at regular intervals. These commands are stored in a Unix configuration file called crontab. [cPanel Glossary]
هى أداه فى اللينكس تسمح بعمل جدولة للمهام. بمعنى أنه يمكنك تنفيذ أمر معين كل فترة معينة.
و يرجع تسميتها الى الساعة الشهيرة Chronograph .
ببساطة يمكنك تنفيذ ملف php كل فترة معينة (مثلا كل يوم الساعة 7 صباحا ). و بالتالى يمكن تنفيذ ملفات php أوتوماتيكيا.
لتشغيل ملف php اوتوماتيكيا :
- ندخل على لوحة التحكم cPanel الخاصة بالموقع
- ثم من جزأ Advanced نختار Cron Jobs كما بالصورة
- نقوم بإدخال الايميل المراد ارسال تقرير إليه , ثم نقوم بتحديد الوقت (دقيقة, ساعة, يوم, شهر, أسبوع )
- ثم نقوم بتحديد المهمة أو الأمر و لتنفيذ ملف php نستخدم الأمر
php http://www.eng-mmf.com/index.php
هنا نقوم بتشغيل الملف الموجود فى المسار http://www.eng-mmf.com/index.php كل يوم الساعة 12 صباحا.
ثم نضغط على Add New Cron Job , ستلاحظ ظهور التالى بعد عملية الإضافة
و بذلك يمكن تشغيل ملف php أوتوماتيكيا , كل مدة معينة
اليوم سأتحدث شئ عظيم جداا , شئ عزيز إلى قلبى.
سأتحدث عن حبى و إعتزازى , بالطبع ليست غسالة كريازى
و انما البروتوكول الرائعHTTP أوHypertext Transfer Protocol
كانت بداية ظهور برتوكول HTTP لأول مرة عندما نجح Tim Berners-Lee (مخترع WWW) فى انشاء اتصال بين HTTP Client و HTTP Server من خلال الانترنت.
يعمل HTTP بطريقة Client/Server فمثلا المتصفح يسمى HTTP Client و هو الذى يقوم بإرسال الطلبات requests إلى السيرفر HTTP Server و الذى بدوره يقوم بإرسال الرد response إلى المتصفح.
النسخة الحالية من بروتوكول HTTP هى HTTP/1.1 و التى تم الإعلان عنها عام 1997. تعتبر هذه النسخة أسرع من النسخة الأولى HTTP/1.0 , لأنه فى النسخة القديمة HTTP/1.0 كان يتم عمل اتصال منفصل لكل جزأ من الصفحة. مثلا تطلب صفحة تحتوى على خمس صور , سيتم عمل اتصال منفصل لكل صورة !!! و بالتالى هذا يسبب بطئ فى التحميل.
أما مع برتوكول HTTP/1.1 فيتم استخدام اتصال دائم , و عن طريق استخدام تكنيك Keep-Alive يمكن استخدام نفس الاتصال لتحميل الخمس صور , وبالتالى فإن HTTP/1.1 أسرع من HTTP/1.0 .
من المسؤل عن تطوير HTTP ؟ المسؤال عن تطوير بروتوكول HTTP مؤسستين هما رابط الشبكة العالمية W3C - World Wide Web Consortium و اللجنة الخاصة لنظام الانترنت IETF - Internet Engineering Task Force .
قامت المؤسستين بنشر التفاصيل الخاصة ب HTTP/1.1 فىRFC2616.
كيف يتم الاتصال بين HTTP Client و HTTP Server ؟ عندما تقوم بطلب صفحة ما من موقع و ليكن www.eng-mmf.com
يقوم المتصفح بإنشاء طلب HTTP Request
و عندما يصل هذا الطلب إلى السيرفر يقوم بالرد على المتصفح بـ HTTP Response.
ماهى طرق عمل HTTP Request ؟ توجد ثمان طرق لإرسال الطلب من المتصفح (تحدد هذه الطرق مالذى ستفعله مع المصدر الذى تطلبه سواء كان ملف أو صورة ..
GET, HEAD, PUT, DELETE, POST, TRACE, CONNECT OPTIONS
أشهرهم على الإطلاق هى GET و التى تعنى أنك تتطلب مصدر (صفحة , صورة , ملف , …الخ) من السيرفر. مثال على استخدام GET :
GET /icons/rss.png HTTP/1.1
Host: www.eng-mmf.com
و التى تعنى أنك تطلب الصورة الموجودة فى المسار التالى icons/rss.png و أنك تستعمل بروتوكول HTTP النسخة 1.1
السؤال هنا : لماذا تم كتابة اسم الدومين بدلا من الأى بى فى جزأ الـ Host ؟
ببساطة شديدة جداا, لأن السيرفر قد يحتوى على أكثر من موقع
و بالتالى يجب أن يقوم المتصفح بإرسال اسم الموقع الى السيرفر .
عندما يصل الطلب إلى السيرفر , يقوم السيرفر بعمل رد HTTP Response و يحتوى هذا الرد على كود الحالة Status Code
يحتوى كود الحالى على شكل رقمى و نصى للحالة مثلا :
200 OK – أكواد الحالة التى بتبدأ بـ 2 تعنى أنه تم استلام الطلب و تم فهمه و التعامل معه بنجاح
304 Not Modified – أكود الحالة التى تبدأ ب 3 تعنى أنه يجب على المتصفح عمل شيئا ما لإكمال الطلب
404 Not Found – أكواد الحالة التى تبدأ ب 4 تعنى أنه هناك خطأ ما من جانب المتصفح
500 Internal Server Error – أكواد الحالة التى تبدأ ب 5 تعنى وجود خطأ من جانب السيرفر
نفهم من السابق أنه يتم تقسيم أكواد الحالة إلى عدة أصناف بناءً على الرقم الأول على الشمال Xxx , و يمكنك مشاهدة المزيد عن أكواد الحالة و ماتعنيه منهذه الصفحة.
مثال على Server Response
HTTP/1.1 200 OK
Server: Apache/1.3.3.7 (Unix) (Red-Hat/Linux)
Last-Modified: Wed, 08 Jan 2003 23:11:55 GMT
Content-Length: 438
مContent-Type: text/html; charset=UTF-8
الجدير بالذكر أن السيرفر لايمكنه معرفة معلومات سرية جدا عنك أثناء تصفح المواقع الموجودة عليه ,
مثلا يمكنه معرفه نوع المتصفح , نظام التشغيل , اللغة الافتراضية , IP ولا يمكنه معرفه ماتحفظه على الهاردديسك.
مع ظهور HTTP/1.1 ظهرت عدة تقنيات لتحسين التعامل مع bandwidth , مثلا
Chunked Transfer Encodingو التى تعنى تقسيم رسائل HTTP إلى عدة اقسام صغيرة ثم ارسالها.
HTTP Pipeliningو التى تمكنك من ارسال أكثر من طلب لنفس السيرفر حتى قبل الحصول على الرد للطلب الأول.
Byte Servingامكانية طلب جزأ معين من الصفحة و ليس الصفحة بأكملها. (مفيد جدا فى حالة الملفات الكبيرة)
نظرا لأن HTTP يعتبر بروتوكول عديم الحالة Stateless بمعنى أنه يتعامل مع كل طلب Request كأنه
طلب مستقل ولا يتعلق بأى طلب أخر . و كثير مايحتاج مبرمجوا المواقع تتبع حالة المستخدم من صفحة
ماهو Social bookmarking
- ترجمة حرفية : المفضلات الأجتماعية
عبارة عن طريقة تساعد مستخدمى الأنترنت انهم يحفظوا و ينظموا و يصنفوا و يبحثوا و يديروا المواقع المفضلة لديهم و لكن على الأنترنت .
طبعا كلنا عارفين المفضلة اللى موجودة فى المتصفح , بس دى بتكون على جهازك انت بس
انما فى social bookmarking بتكون على الأنترنت , يعنى تقدر تشوفها من اى مكان
بمعنى اخر social bookmarking عبارة عن نسخة اون لاين من المواقع المفضلة لديك , ولكن بأمكانيات اكثر
تاريخ الخدمة : بدأت سنة 1996 و لكن ظهورها الحقيقى بدأ عام 2003 مع ظهور موقع del.icio.us
و ظهور مواقع اخرى مثل furl و simpy
مالذى يقدمه : مش بس تقدر تحفظ مواقعك المفضلة ع النت وتبعتها لأصدقائك – ممكن كمان تشوف المواقع المفضلة لأشخاص اخرين و كمان تقدر تصنف مواقعك كل مواقع تحت تصنيف او اكتر و ممكن تشوف اخر المواقع المضافة من قبل الأخرين و تقدر تبحث كمان
ده معناه ان social bookmarking عبارة عن محرك بحث ذكى intelligent search engines .
المميزات : 1)محرك بحث ذكى
بما ان المواقع المضافة كلها تمت اضافتها بواسطة اشخاص يفهمون المحتوى وليس برنامج كمبيوتر
فعند البحث تحصل على النتائج بدقة عالية , ده غير انه بيتم تقييم الموقع بعدد الناس اللى حفظوه الى مفضلتهم 2) ممكن تشوف المواقع المفضلة لأشخاص اخرين (لو هما سامحين بكده او عاملين share) 3) ممكن تشوف اخر المواقع المضافة او المواقع الشعبية ( الأكثر اضافة ) ز 4) ممكن تحصل على جميع المواقع تحت تصنيف معين
العيوب :
سوء التصنيف , نتيجة اخطاء اللغة او غيره .
اسم غير ثابت للتصنيف الواحد , بمعنى ممكن واحد يضيف الموقع تحت تصنيف ويب واخر يضيف نفس الموقع تحت تصنيف انترنت واخر يضيفه تحت تصنيف مواقعى وهكذااا
سوء الأستغلال , بمعنى ان فى ناس بتستغل المواقع اللى بتقدم خدمة social bookmarking علشان تشهر موقعها , فتضيفه اكتر من مرة و تحت اكتر من تصنيف و هكذا
ده فيديو بيشرح الموضوع بكل بساطة :
بالنسبة لأصحاب المواقع , ممكن تضيف زر عندك فى الموقع علشان يسهل على الزوار انهم يضيفوا موقعك لأى موقع بيقدم خدمة social bookmarking
من هنا :http://www.addthis.com
مقدمة : اكيد سمعنا عن الكوكيز و أكيد فى ناس كتير عارفاها كويس . و اكيد كلنا لما بندخل موقع ونعمل تسجيل الدخول ( وتعمل صح على تذكرنى ) ,, لما تدخل الموقع تانى بيكون عارفك و اكيد برده , لما بتحول جوجل من العربى للأنجليش او العكس , تدخل مرة تانية تلاقى جوجل على حسب ماانت اخترت اخر مرة ( سواء عربى او انجليش ) الموضوع كله متعلق بالـ كوكيز .
ماهى ال Cookie ؟ هى عبارة عن ملفات نصية ( يعنى مش برامج او باتشات ) بيرسلها الموقع اللى بتدخل عليه للمتصفح بتاعك علشان يحفظها عندك ع الجهاز . الملفات دى بيكون فيها معلومات عنك . المعلومات دى لما الموقع بيحتاجها بيطلبها من المتصفح . مثلا جوجل : لما تحول جول من انجليش لعربى , ايه اللى بيحصل ؟ جوجل يبعت ملف كوكيز للمتصفح بتاعك , الملف ده بيحتوى على شوية معلومات منها انك اخترت ان جوجل يبقى عربى لما تدخل تانى على جوجل بعد كده , جوجل بيطلب ملف الكوكيز من المتصفح و يقرأ اللى جواه فيلاقى انك كنت عاوز جوجل عربى فيعرضه ليك كده .
طبعا المعلومات داخل ملفات الكوكيز , بتختلف من موقع لأخر . و طبعا كل موقع مش ليه الحق غير انه يطلب الملف بتاعه بس , يعنى مينفعش موقع يشوف الكوكيز بتاع موقع تانى. و الاجمل من كده , ان كل متصفح ليه مكان بيحفظ فيه الكوكيز بتاعته , ازاى ؟ يعنى انت ممكن تدخل على منتدى بأكثر من مستخدم عن طريق اكثر من متصفح , و كل متصفح فى كوكىز من نفس المنتدى بس الأختلاف فى البيانات اللى فيها.
كيف تعمل الكوكيز ؟ لما بتطلب تشوف موقع معين , المتصفح بتاعك بيرسل بيانات الى الموقع ( الآى بى بتاعك , نوع المتصفح , نظام التشغييل , ويبحث المتصفح عن ملفات الكوكيز الخاصة بالموقع وان وجد يرسلها له مع الطلب. - يستطيع الموقع عند استلامه الطلب انه يستفيد من الكوكيز المرسلة ( مثلا عرض وقت اخر زيارة لك , تظبيط الخيارات المفضلة لديك , تسجيل الدخول التلقائى ,….. الخ) و بإمكان الموقع التعديل فى الكوكيز الخاصة به او حتى حذفها .
ملحوظات:
ملف الكوكيز بيكون مرتبط بوقت معين , و ده اللى بيحدده الموقع او بمعنى اصح مبرمج الموقع ( يعنى بيحدد ان ملف الكوكيز ينتهى صلاحيته بعد يوم , اسبوع , سنة , براحته )
و طبعا بما ان الملف بتاع الكويكز ده عندك فممكن بكل بساطة تمسحه.
طبعا بكل بساطة ممكن تخلى المتصفح بتاعك يرفض الكوكيز خالص او يرفضها من مواقع معينة.
هل الكوكيز آمنـــــة ؟
لو حد دخل عندك ع الجهاز وسرق الكوكيز او اخد ملف الكوكيز و نقله عنده فى مكان الكوكيز بتاع المتصفح بتاعه , هيدخل كأنه أنت
لو حد بيتجسس ع الشبكة و بيراقب البيانات المارة ع الشبكة ,, ممكن بكل سهولة يشوف القيم بتاع الكوكيز و ينقلها و يعمل ملف عنده ع الجهاز ويدخل ع الموقع كأنه أنت ودى ممكن تتحل عن طريف عمل اتصال مشفر.
او عن طريق حركة جامد جدااا , وهى ان شخص مثلا على منتدى يعمل لينك ظريف برئ و بيقولك اضغط هنا ( ويقول ده موقعى او موقع جميل و كده ) , اللينك ده بكل بساطه فيه كود جافا سكريبت بياخد البيانات اللى فى الكوكيز و يبعتها لموقع تانى علشان يحفظها عنده و ده بنسميه XSS او Cross Site Scripting
طبعا لو انت عامل ( تذكرنى ) لمنتدى معين , المنتدى بينزل عندك كوكيز ( عادة بيكون فيها الاسم والباص المشفر ) , وبما ان الكوكيز عندك ممكن تغير الأسم مثلا و تدخل ع الموقع , هتلاقى الموقع عمل تسجيل دخول عادى ويقولك أهلا فلان ( الأسم الجديد اللى غيرته ) , وده بيكون عيب من المبرمج .
وبما ان مدير المنتدى مستخدم عادى برده زى اى حد بس بصلاحيات اكبر , فممكن تعدل ملف الكوكيز بتاعك و تغير الأسم لإسم مدير المنتدى , و الباص المشفر لو عرفت تخمنها بطريقة ما فهتدخل المنتدى كأنك المدير و بصلاحيات المدير و مبروك عليك المنتدى
# وطبعا خليك فاكر ان مفيش نظام أمنى خالى من الثغرااااات
كلنا او معظمنا اكيد شاف captcha بس مكنش يعرف اسمها , طيب بنشوفها فين ؟! مثلا لما تيجى تعمل ايميل جديد أوتسجل فى موقع أو ترد على بلوج بعض الناس أو فى بعض التصويتات أو…إلخ بيطلب منك انك تكتب الحروف والأرقام العشوائية اللى ع الصورة. أيون , هى دى كابتشا
ماهى Captcha؟ اولا هى اختصار ل Completely Automated Public Turingtest to tell Computers and Humans apart بكل بساطة , هى طريقة تخلينا نتأكد ان الرد ده جاى من انسان مش من كمبيوتر . بكل بساطة هيعرض قدام حضرتك صورة وعليها حروف وأرقام عشوائية و يطلب منك انك تكتبها فى المربع اللى تحتها.و بكده بيتأكد ان الرد جاى من انسان مش من كمبيوتر .
طيب , أيه التطبيقات المستخدمة فيها ؟!!!!!!! معظمها سيكيورتى زى : 1) تجنب ال spam. و ال spam بكل بساطة محتوى غير مرغوب فيه ,, بيتعمل اوتوماتيكى بالكمبيوتر بغرض الدعايا , يعنى مثلا واحد عامل سكريبت كل شوية يدخل يعمل رد و يحط فيها لينكات لموقعه. 2) حماية صفحات التسجيل بالمواقع registration علشان فى ناس وحشة برده بتعمل سكريبت ظريف يدخل و يشترك فى المواقع علشان يعمل مواضيع ضارة ( يعنى مثلا دعايا لموقعه أو تحتوى على محتوى ضار …) 3) حماية التصويتات الالكترونية علشان طبعا لو فى تصويت و مفتوح من غير اشتراك , واحد ظريف برده يعمل سكريبت ظريف برده علشان يدخل يعمل تصويت لرأى معين كل شوية . 4)الحمايةمن Dictionary Attacks و ال dictionary attacksزى ما احنا عارفين ,, مثلا واحد قدامة صفحة فيها يوزرنيم وباسورد ,, يعمل سكريبت ظريف برده جواه شوية يوزرز و باسوردات حاجة كده زى قاموس و السكريبت يقعد يجرب بيهم لغيت مايوصل . # طبعا فى استخداماتكتير غير دول و طبعا مع وجود Captcha مفيش اى سكريبت ظريف ولا حاجة ظريفة من دول هتتعمل لان الصورة بتظهر عشوائى وصعب تخمينها.
إمكانية الوصول : بما ان فى ناس نظرها ضعيف,, فأكيد كابتشا دى هتتعبهم و هنا نقدر نقول ان كابتشا مش متوفرة صورة بس , يعنى فى كابتشا صوتية ( يعنى تسمع حروف وتكتبها ). و فى نوع تانى برده اسمه كابتشا الحسابية و دى بيظهرك مسألة و تكتب الناتج. مثلا يقول ” ما ناتج خمسة زائد ستة ?” وانت تكتب الناتج تحت . كل ده علشان يتأكد ان انت مش كمبيوتر و انت شخص.
طيب سؤال يطرح نفسه ,, هل هى آمنة ؟!!!!!!!!! إيمانا بالقاعدة التى تقول “ أن مفيش نظام أمنى محكم أو خالى من الثغرات ” و سلم لى على أدهم صبرى فعلا الكلام ده صح ,, مفيش نظام امنى كامل ,, لازم يكون فى ثغرة ,, لازم نقطة ضعف حتى لو كان نقطة الضعف ده الأنسان ! وسلم لى على Social Engineering و دى اول قاعدة بيتعلمها الناس بتوع السيكيورتى والناس بتوع الهاكينج برده فطبعا كابتشا مهما ان كانت فأكيد فى نقطة ضعف و هى ان ممكن يتم معرفة الكلام المكتوب ع الصورة عن طريق تقنيات image-recognition و تقنيات تحليل الصور و هكذا و بالتالى لايمكن الأعتماد عيها كليا ,, لانها غير أمنة 100% كأى نظام
طيب , دلوقت ازاى اعمل Captcha ؟ كل الفكرة انك بتعمل متغير بيحتوى ع بعض الحروف والأرقام عشوائيا و بعدين تكتب قيمته على صورة و بعدين اظهر الصورة و ده تطبيق بسيط لكابتشا بال php
session_start() ;
header("Content-type: image/png");
$num = rand(100,9999);
// save in session variable
$_SESSION['num'] = $num ;
// creating the image
$im = imagecreate(200,200) ;//create the image
$white = imagecolorallocate($im,255,255,255) ; // background color
$black = imagecolorallocate($im,0,0,0);
imagestring($im,5,50,20,$num,$black); // write on image
imagepng($im);// output the image
بفرض انك عاوز تعمل شركة ,, و طبعا عاوز سيرفر ,, فطبعا هتشترى سيرفر و ليكن مثلا ب 100 ألف مواصفات كويسة ,, و طبعا لازم مهندس System Engineer علشان
يتابع السيرفر . و طبعا عاوز تاخد نسخة احتاطى backup من الداتا اللى على السيرفر , فهتشترى سيرفر تانى . و طبعا السيرفر ده بيسحب كهربا كثير جداا ولازم نظام لتبريده , يعنى الفواتير هتبقى جامدة كل شهر سواء استعملت السيرفر ده طول الشهر او مثلا مرتين كل اسبوع ! , فأنت بتدفع بالشهر ده غير راتب المهندس و غيره . و طبعا لو عاوز تعمل upgrade للسيرفر هتبوظ كل اللى بنيته من الأول لانك مش عامل حسابك انه يبقى قابل للتوسيع و إلا كنت جبت سيرفر بمواصفات أعلى من الأول.
طيب , ايه رأيك بقى لو السيرفر ده اصلا موجود ع النت , و مش هتحتاج لمهندس , و لا هتحتاج لسيرفر تانى عشان الـ backups , و لا هتدفع كهربا و لا تبريد و لا مرتب للمهندس و لو عاوز تكبره فى اى وقت , سهل جداا انك توسعه , ده غير انك مش هتدفع غير بس وقت استعمالك للسيرفر , يعنى لما تشغله بس . و أنت مش هتوجع دماغك بقصة الصيانة و التطوير و الحماية , وبكده مفيش تكلفة ابتدائية , كل المطلوب منك انك تستخدم بس . ( هى دى فكرة الـ Cloud Computing )
ماهى الحوسبة السحابية Cloud Computing
بكل بساطة , هى نقل تطبيقاتك و برامجك و حتى نظام التشغيل على الأنترنت , حيث تتم المعالجة و التشغيل على سيرفرات بعيدة ذو مواصفات عالية جداا , و الهدف منها ابعاد مشاكل الصيانة والتطوير و الحماية عن المستخدم وبالتالى يصبح المطلوب من المستخدم فقط هو الأستخدام و تتحول برامج تكنولوجيا المعلومات من منتجات إلى خدمــات .
- السحابة Cloud احدى مخططات الشبكة و التى تعبر عن الانترنت فى علم الشبكات Computer Networking
- كل المطلوب من المستخدم هو ان يستطيع الدخول على الأنترنت سواء كان من الموبايل او من الكمبيوتر او غيره .
عندما تسمع كلمة الحوسبة السحابية Cloud Computing , يجب ان يتبادر إلى ذهنك ثلاث أشياء هامـة :
1) Software As a Service
و هى عملية تحويل منتجات الكمبيوتر من برامج و غيره إلى خدمات على الانترنت , و بالتالى لايحمل المستخدم هم الشراء و الصيانة والتطوير و انما الشئ الوحيد المطلوب منه هو أن يستخدم تلك المنتجات
2) Utility Computing
الدفع مقابل الإنتفاع من الخدمة , مثل الخدمات العامة كالكهرباء و المياة والغاز ,, ولكن هنا لاتدفع إلا عندما تنتفع و هذه ميزة أخرى
3) Virtualization
تتكون البنية التحتيه للحوسبة السحابية Cloud Computing من أنظمة وهمية يمكن الأستفادة منها فى الخدمة , فمثلا يمكنك ان تختار نظام التشغل الخاص بالسيرفر الخاص بك على السحابة , و يمكن ان تختار البرامج الخاصة بك علي النظام نفسه و يمكنك ان تغير النظام فى اى وقت مع بقاء البرامج تعمل على النظام الجديد.
كيف تعمل الحوسبة السحابية Cloud Computing
بكل بساطة , يطلب العميل من مزود الخدمة سيرفر مثلا و يدخل الاعدادت و يختار نظام التشغيل و ليكن مثلا لينكس ثم يحدد المساحة و غيرها من الأعدادت , وبعد ذلك يحصل على سيرفر خاص به فى السحابة , و مثلا بعد فترة احتاج مساحة اكبر , يدخل على حسابه فى السحابة و يزود المساحة و فى ثوان يحصل على مساحة اكبر .
المميزات :
1) امكانية التوسيع والتطوير , فبدلا من ان تشترى سيرفر جديد بمساحة عالية ومواصفات أعلى , كل ماعليك هو ان تدخل و تغير الاعدادت فقط و فى ثوان تحصل على ماتريد .
2) التكلفة , فلن تدفع إلا فى مقابل خدمة . لايوجد نظام دفع شهرى , فقط أدفع مقابل الخدمة .
3) عدم الإعتماد على المكان أو الأداة , فيمكنك ان تدخل على السحابة من أى مكان فى العالم ( فقط تحتاج انترنت ) , و يمكن ان تستخدم اى جهاز يستطيع تصفح الأنترنت سواء أكان كمبيوتر او موبايل أو غيره , تخيل معى الأن يمكنك برمجة الجافا من على موبايلك و رؤية النتائج (فقط ارفع برامج للسحابة و دع الباقى عليها ) .
4) ابعاد المستخدم عن المشاكل التقنية او الصيانة والتطوير الخاصة بالنظام , كل ماعليك هو الأستخدام فقط.
5) الدوام , لان الداتا الخاصة بك تحفظ فى اكثر من مكان على مستوى العالم و بالتالى لاخوف عليها من الضياع .
6) الأستفادة من المواصفات العاليةللجهاز البعيد فى السحابة , فمثلا إذا كنت مهتم بالجرافيك والماكس و تريد عمل ريندر rendering ستحتاج الى وقت كبير جدااا , ولكن مع السحابة فقط ارفع ملفاتك لها سواء على سيرفر واحد او اكثر و بالتالى تستفيد من الامكانيات العالية و بعد عمل ريندر يمكنك ان تحفظ الفيلم مرة اخرى عندك.
العيوب :
1) امكانية الوصول , فمثلا المهندس المسئول عن السيرفر فى السحابة يمكن ان يصل إلى بياناتك ويراها .
2) مكان الداتا , بمعنى انك لاتعرف اين تحفظ معلومات , فمن الممكن ان تكون مثلا فى سيرفر خاص بالسحابة فى إسرائيل مثلا , وبالتالى تدخل المشاكل السياسية هنا , و لكن مع السحابة يمكنك ان تختار اماكن لحفظ الداتا و تحاول الشركات المزودة جاهدة فى هذا المجال , لتجنب هذا العيب.
3) الاعتمادية, ماذا يحدث لو ضاعت الملفات مثلا بسب عطل ما , من يضمن امكانية استعادتها سليمة ؟ !
4) الأمــان , هل يتم تشفير البيانات فى كل محطات التخزين , ام انها تبقى غير مشفرة ؟!
5) الموثوقية , من يضمن لى انه عندما امسح ملفاتى , انها ليست موجودة على السيرفر بعد المسح ؟!!
6) سرعة الأنترنت , و هذه مشكلة تواجها الحوسبة السحابية مع الدول النامية.
مكونات الحوسبة السحابية Cloud Computing
1 ) Applications
وهى البرامج ووالخدمات التى يمكن ان يشغلها العميل فى السحابة , ومع خدمة Software As a Service تم تخفيف عبئ الصيانة والتطوير عن المستخدم.
2) Client
و هو المستخدم , حيث يستخدم جهازه ( سواء كان موبايل او كمبيوتر ) للإستفادة من الخدمة , و من الممكن ان يمتلك نظام تشغيل يدعم السحابة أو يستخدم المتصفح فقط .
3) Infrastructure
و هى البنية التحتية للسحابة ,و التى تقدم كخدمة Instastructure As a Service
الحوسبة السحابية Cloud Computing فى تطور مستمر , فمعظم الشركات تحاول و تطور جاهدة لتقديم خدمة افضل , فمثلا شركة مايكروسوفت أعلنت قريبا أنها ستنقل تطبيقها المشهور , مايكروسوفت أوفيس إلى السحابة (مصدر الخبر).
# فبكل بساطة يمكننا القول بأن الحوسبة السحابية مفيدة جداا فى مجال الـ Business و خصوصا المشاريع الصغيرة Small business .
#يمكن تلخيص الموضوع بأكمله فى الفيديوهات التالية :
هى أداه فى اللينكس تسمح بعمل جدولة للمهام. بمعنى أنه يمكنك تنفيذ أمر معين كل فترة معينة.
, ولكن بأمكانيات اكثر
